Astanada káriz júiesinen shamamen alty ailyq sharana tabylýyna bailanysty qylmystyq is qozǵaldy, dep habarlaidy dalanews.kz.
Threads áleýmettik jelisinde elorda turǵynynyń turǵyn úidiń janyndaǵy qonaqúige qatysty jazbasy keńinen talqylanýda. Onyń aitýynsha, turǵyndar bul nysanda bolyp jatqan jaǵdailarǵa bailanysty birneshe ret politsiiaǵa júgingen.
Jazba avtorynyń sózinshe, eń sumdyq oqiǵa káriz júiesinen shamamen alty ailyq sharananyń tabylýy bolǵan.
Astana qalasynyń Politsiia departamenti bul derek boiynsha sotqa deiingi tergep-tekserý bastalǵanyn rastady.
«Sharananyń tabylý faktisi boiynsha sotqa deiingi tergep-tekserý júrgizilip jatyr. Qajetti saraptamalar taǵaiyndaldy. Sondai-aq qylmystyq quqyq buzýshylyqqa qatysy bar tulǵanyń jeke basy anyqtaldy», – dep habarlady politsiia.
Tergeý múddesine bailanysty ózge aqparat ázirge jariia etilmedi.
