Astanada shegilmeitin temeki ónimderin zańsyz satý men tutynýdyń aldyn alý jáne anyqtaý maqsatynda aýqymdy profilaktikalyq reidter jalǵasyp jatyr. Mundai is-sharalar elordanyń barlyq alty aýdanynda ótkizilip keledi,- dep habarlaidy Dalanews.kz
Saryarqa aýdanynda jyl basynan beri 120-dan astam reid júrgizildi. Ýchaskelik inspektorlar men iývenaldy politsiia qyzmetkerleri saýda oryndaryn, qoǵamdyq tamaqtaný nysandaryn jáne jastar kóp jinalatyn oryndardy qamtydy. Is-sharalar nátijesinde belgilenbegen oryndarda shegilmeitin temeki ónimderiú qoldanýǵa bailanysty 315 quqyqbuzýshylyq anyqtaldy. Barlyq quqyqbuzýshylar ákimshilik jaýapkershilikke tartyldy.
Almaty aýdanynda jyl basynan beri ótkizilgen reidter barysynda 45 jeke tulǵaǵa aiyppul salyndy. Sonymen qatar, nasybai men sniýs syndy shegilmeitin temeki ónimderi satylǵan 32 dúken anyqtaldy, tekseris kezinde shamamen 1000 dana ónim tárkilendi.
Baiqońyr aýdanynda jyl basynan beri 200-den astam shaǵyn jáne orta biznes nysandary tekserildi, oǵan saýda oryndary, saýda úileri, sýpermarketter, kafeler, barlar men meiramhanalar kiredi. Nátijesinde 53 quqyqbuzýshy ákimshilik jaýapkershilikke tartyldy.
Esil aýdanynda jyl basynan beri QR ÁQBtK-niń 441-babyn (sonyń ishinde kalian shegýge tyiym salynǵan oryndarda qoldaný) buzǵany úshin 857 adam ákimshilik jaýapkershilikke tartyldy, onyń ishinde 756 jaǵdai kalian shegýmen bailanysty.
Saraishyq aýdanynda júrgizilgen reidterdiń nátijesinde 5 dúken QR ÁQBtK-niń 196-baby boiynsha aiyppulǵa tartyldy. Jalpy salynǵan aiyppul somasy shamamen 500 myń teńgeni qurady.
Nura aýdanynda jyl basynan beri shegilmeitin temeki ónimderin zańsyz satý boiynsha 6 derek anyqtaldy. Sonymen qatar, qoǵamdyq tártipti saqtaý jáne zań talaptarynyń oryndalýyn baqylaý maqsatynda 18 oiyn-saýyq orny tekserilip, olardyń barlyǵynda ortaq paidalaný oryndarynda kalian shegý faktileri tirkeldi.
Barlyq quqyqbuzýshylyq QR ÁQBtK-niń 441-baby boiynsha rásimdelip, salynǵan aiyppuldyń jalpy somasy 4 million teńgeden asty.
Profilaktikalyq reidter qala boiynsha jalǵasatyn bolady.
