استانادا شەگىلمەيتىن تەمەكى ونىمدەرىن زاڭسىز ساتۋ مەن تۇتىنۋدىڭ الدىن الۋ جانە انىقتاۋ ماقساتىندا اۋقىمدى پروفيلاكتيكالىق رەيدتەر جالعاسىپ جاتىر. مۇنداي ءىس-شارالار ەلوردانىڭ بارلىق التى اۋدانىندا وتكىزىلىپ كەلەدى،- دەپ حابارلايدى Dalanews.kz
سارىارقا اۋدانىندا جىل باسىنان بەرى 120-دان استام رەيد جۇرگىزىلدى. ۋچاسكەلىك ينسپەكتورلار مەن يۋۆەنالدى پوليسيا قىزمەتكەرلەرى ساۋدا ورىندارىن، قوعامدىق تاماقتانۋ نىساندارىن جانە جاستار كوپ جينالاتىن ورىنداردى قامتىدى. ءىس-شارالار ناتيجەسىندە بەلگىلەنبەگەن ورىنداردا شەگىلمەيتىن تەمەكى ونىمدەرىۇ قولدانۋعا بايلانىستى 315 قۇقىقبۇزۋشىلىق انىقتالدى. بارلىق قۇقىقبۇزۋشىلار اكىمشىلىك جاۋاپكەرشىلىككە تارتىلدى.
الماتى اۋدانىندا جىل باسىنان بەرى وتكىزىلگەن رەيدتەر بارىسىندا 45 جەكە تۇلعاعا ايىپپۇل سالىندى. سونىمەن قاتار، ناسىباي مەن سنيۋس سىندى شەگىلمەيتىن تەمەكى ونىمدەرى ساتىلعان 32 دۇكەن انىقتالدى، تەكسەرىس كەزىندە شامامەن 1000 دانا ءونىم تاركىلەندى.
بايقوڭىر اۋدانىندا جىل باسىنان بەرى 200-دەن استام شاعىن جانە ورتا بيزنەس نىساندارى تەكسەرىلدى، وعان ساۋدا ورىندارى، ساۋدا ۇيلەرى، سۋپەرماركەتتەر، كافەلەر، بارلار مەن مەيرامحانالار كىرەدى. ناتيجەسىندە 53 قۇقىقبۇزۋشى اكىمشىلىك جاۋاپكەرشىلىككە تارتىلدى.
ەسىل اۋدانىندا جىل باسىنان بەرى ق ر اقبتك-نىڭ 441-بابىن (سونىڭ ىشىندە كاليان شەگۋگە تىيىم سالىنعان ورىنداردا قولدانۋ) بۇزعانى ءۇشىن 857 ادام اكىمشىلىك جاۋاپكەرشىلىككە تارتىلدى، ونىڭ ىشىندە 756 جاعداي كاليان شەگۋمەن بايلانىستى.
سارايشىق اۋدانىندا جۇرگىزىلگەن رەيدتەردىڭ ناتيجەسىندە 5 دۇكەن ق ر اقبتك-نىڭ 196-بابى بويىنشا ايىپپۇلعا تارتىلدى. جالپى سالىنعان ايىپپۇل سوماسى شامامەن 500 مىڭ تەڭگەنى قۇرادى.
نۇرا اۋدانىندا جىل باسىنان بەرى شەگىلمەيتىن تەمەكى ونىمدەرىن زاڭسىز ساتۋ بويىنشا 6 دەرەك انىقتالدى. سونىمەن قاتار، قوعامدىق ءتارتىپتى ساقتاۋ جانە زاڭ تالاپتارىنىڭ ورىندالۋىن باقىلاۋ ماقساتىندا 18 ويىن-ساۋىق ورنى تەكسەرىلىپ، ولاردىڭ بارلىعىندا ورتاق پايدالانۋ ورىندارىندا كاليان شەگۋ فاكتىلەرى تىركەلدى.
بارلىق قۇقىقبۇزۋشىلىق ق ر اقبتك-نىڭ 441-بابى بويىنشا راسىمدەلىپ، سالىنعان ايىپپۇلدىڭ جالپى سوماسى 4 ميلليون تەڭگەدەن استى.
پروفيلاكتيكالىق رەيدتەر قالا بويىنشا جالعاساتىن بولادى.
