Astanada Memleket basshysynyń tapsyrmasyna sáikes júzege asyrylyp jatqan «Bilim berýdegi ózgeristerdiń 1000 kóshbasshysy» jobasy aiasynda sońǵy eki jyl ishinde 35 bilim berý uiymyna jańa direktor taǵaiyndaldy,- dep habarlaidy Dalanews.kz.
Jobanyń negizgi maqsaty – bilim berý uiymdaryna jańa formattaǵy basshylardy daiarlaý, basqarý júiesine zamanaýi menedjment qaǵidattaryn engizý jáne mektepterdi bilikti mamandarmen qamtamasyz etý.
Ásirese, «Keleshek mektep» ulttyq jobasy aiasynda ashylyp jatqan jańa bilim ordalaryna sapaly basshylyq quramyn qalyptastyrýǵa airyqsha mán berilip otyr. Kadrlyq rezervke qabyldanǵan pedagogtar dástúrli konkýrstyq rásimderden ótpei, arnaiy daiarlyqtan soń tikelei birinshi basshy laýazymyna taǵaiyndalady.
Sońǵy eki jyldyń ishinde osyndai múmkindikti 35 pedagog ielenip, elordanyń bilim berý uiymdarynyń direktory qyzmetine kiristi. Onyń ishinde 15 pedagog jańa keleshek mektepterine direktor bolyp taǵaiyndaldy.
Bul bastama elordanyń bilim berý salasyn damytýǵa, mektepterdiń basqarý sapasyn arttyrýǵa jáne oqýshylar úshin qolaily bilim berý ortasyn qalyptastyrýǵa eleýli yqpal etip keledi.
