QMA Astana qalasy boiynsha departamenti prokýratýranyń úilestirýimen eki jekemenshik klinikanyń basshysyna qatysty Áleýmettik meditsinalyq saqtandyrý qorynyń qarajatyn jymqyrý faktisi boiynsha sotqa deiingi tergep-tekserý júrgizip jatyr, dep habarlaidy Dalanews.kz.
2022 jyly Qor men klinikalar arasynda jalpy somasy 2,4 mlrd teńgeni quraityn meditsinalyq qyzmetter kórsetý týraly sharttar jasalǵan, onyń ishinde jyljymaly meditsinalyq poiyz qyzmetteri de qamtylǵan.
Jobany iske asyrý bastalǵannan keiin klinikalar basshysy alaiaqtyq shema uiymdastyryp, meditsinalyq kómekti is júzinde almaǵan patsientter týraly aqparattyq júiege kórineý jalǵan málimetter engizgen. Atap aitqanda, jalǵan diagnozdar men kórsetilmegen qyzmetter tirkelgen.
Kún saiyn jalǵan túrde tirkeletin patsientter sany 90-nan 150 adamǵa deiin jetken.
Nátijesinde klinikalar naqty kórsetilmegen meditsinalyq qyzmetter úshin Qor qarajatynan zańsyz túrde 682 mln teńge alǵan.
2024 jyldyń qańtar aiynda qylmystyq jolmen alynǵan tabystyń bir bóligi — 364 mln teńge — klinikalar basshysy men onyń jubaiynyń jeke esepshottaryna aýdarylǵan.
Kúdikti qamaýǵa alyndy.
Sot sanktsiiasymen onyń múlkine: Ispaniiadaǵy qala syrtyndaǵy úi, Astana qalasyndaǵy páter, sondai-aq avtokólikke tyiym salyndy.
Tergep-tekserý jalǵasýda.
Qazaqstan Respýblikasy QPK 201-babyna sáikes ózge aqparat jariia etilmeidi.
