Astanada jedel járdemniń jetý baǵytyn naqty ýaqyt rejiminde qadaǵalaýǵa arnalǵan pilottyq tsifrlyq servis iske qosyldy, dep habarlaidy Dalanews.kz
Astana qalasynyń ákimdigi jedel járdem qyzmetiniń qozǵalysyn naqty ýaqyt rejiminde baqylaýǵa múmkindik beretin jańa tsifrlyq servis jobasyn pilottyq rejimde iske qosty. Bul bastama Densaýlyq saqtaý ministrliginiń qoldaýymen, Yandex Qazaqstan, IT Space jáne 7Generation kompaniialarynyń seriktestigimen júzege asyrylýda.
Jańa sheshim jedel qyzmetterdiń ashyqtyǵyn arttyryp, turǵyndardyń alańdaýshylyǵyn tómendetýge, sondai-aq bir shaqyrý boiynsha qaitalanatyn qońyraýlar sanyn azaitý arqyly dispetcherlerge túsetin júktemeni jeńildetýge baǵyttalǵan.
1-sanattaǵy (eń shuǵyl) shaqyrtýlar tirkelgennen keiin ótinim berýshiniń telefonyna SMS-habarlama jiberiledi, onda jedel járdem kóliginiń naqty baǵytyn baqylaýǵa múmkindik beretin interaktivti kartanyń siltemesi kórsetiledi.
Paidalanýshy silteme arqyly ótip, jedel járdem brigadasynyń qozǵalysyn onlain baqylap, onyń jaqyndap kele jatqanyn kóre alady. Fýnktsiia Iandeks Kartasynyń JavaScript API sheshimi negizinde júzege asyryldy.
Qazirgi tańda bul fýnktsiia Astana qalasynda tirkelgen keibir 1-sanattaǵy jedel shaqyrtýlar úshin qoljetimdi. Aldaǵy ýaqytta barlyq sanattaǵy shaqyrtýlardy qamtý, sondai-aq servisti elimizdiń ózge óńirlerinde engizý josparda bar.
Zamanaýi tsifrlyq sheshimder densaýlyq saqtaý salasyndaǵy ashyqtyq pen senimdilikti arttyryp qana qoimai, azamattarǵa jedel járdem kóliginiń kelýine aldyn ala daiyndalýǵa múmkindik beredi (mysaly, shlagbaýmdy ashý nemese patsienttiń qujattaryn daiyndaý), sonymen qatar dispetcherlik qyzmetke túsetin júktemeni azaitady.
Densaýlyq saqtaý salasyndaǵy tsifrlyq transformatsiialaý jumysy meditsinalyq kómektiń sapasyn, qoljetimdiligin jáne jedeldigin arttyrý maqsatynda jalǵasa beredi.
