Astanada jazǵy demalys qarsańynda qala prokýratýrasy politsiia jáne TJD qyzmetkerlerimen birlesip, mektepterde balalardyń qaýipsizdik erejeleri, onyń ishinde jol júrý, quqyq buzýshylyqtardyń aldyn alýy týraly habardarlyǵyn arttyrýǵa baǵyttalǵan is-sharalar uiymdastyrdy, dep habarlaidy elorda ákimdiginiń resmi saity.
Is-sharaǵa orta jáne joǵary synyp oqýshylary qatysty.
Qyzmetkerler balalarǵa tótenshe jaǵdailar kezindegi ózin ózi ustaý boiynsha negizgi erejelerdi, jol qozǵalysy erejelerin saqtaýdyń mańyzdylyǵy, alǵashqy meditsinalyq kómek kórsetý daǵdylary, quqyq buzýshylyqtardyń aldyn alý jáne t.b. týraly aityp berdi.
Is-sharany elordanyń barlyq bilim berý uiymynda ótkizý josparlanyp otyr.
