2025 jyldyń birinshi jartyjyldyǵynyń qorytyndysy boiynsha elordada 800-den astam jol-kólik oqiǵasy tirkelip, 1 074 adam túrli jaraqat aldy. Bul týraly elordanyń Kommýnikatsiialar qyzmetinde ótken brifingte Politsiia departamentiniń jergilikti politsiia qyzmeti basqarmasy bastyǵynyń orynbasary, politsiia podpolkovnigi Nurlan Kaparov málim etti,- dep habarlaidy Dalanews.kz
Jol-kólik oqiǵalarynyń aldyn alý maqsatynda birqatar profilaktikalyq is-sharalary uiymdastyryldy. Olardyń qatarynda «Tasymaldaýshy», «Joldaǵy qabyldaý», «Boryshker», «Avtobýs» jáne «Qaýipsiz jol» aktsiialary bar.
«Qoǵamdyq kólikte qaýipsizdikti arttyrý maqsatynda júrgizýshilerge arnalǵan reis aldyndaǵy tekseris kúsheitildi. Avtoparktermen tórt keńes ótkizilip, 153 oqý dárisi uiymdastyryldy. Qalanyń alty ýchaskesinde aialdamalardyń ornalasý sulbasy qaita qaralyp, jol qozǵalysyn ońtailandyrýǵa baǵyttalǵan tehnikalyq ózgerister engizildi. Atap aitqanda, 19 jańa jol belgisi ornatylyp, 8 baǵdarsham sektsiiasy iske qosyldy, 38 jolairyqtaǵy baǵdarsham rejimi qaita retteldi. Qalalyq avtobýstar tolyqtai beinebaqylaý júiesimen jabdyqtalǵan. Onyń kómegimen jyl basynan beri 154 tártip buzýshylyq faktisi tirkelgen. Sonymen qatar, qalanyń alty negizgi kólik dálizin jańǵyrtýǵa arnalǵan arnaiy joba ázirlendi.
Balalar jol qozǵalysy qaýipsizdigin qamtamasyz etý maqsatta mektep mańyndaǵy infraqurylymdy jetildirý jumystary júieli túrde júrgizilýde. Atap aitqanda, №110 mektep pen №33 mekteptiń janynda eki jańa jaiaý júrginshi ótkeli salyndy», – deidi politsiia podpolkovnigi.
Baqylaý júiesin kúsheitý maqsatynda qala kóshelerinde «Ekin Patrol» intellektýaldy júiesimen jabdyqtalǵan 14 patrýldik kólik jumys isteidi. Buǵan qosa, jol qozǵalysy erejeleriniń saqtalýyn qadaǵalaý úshin jedel járdem kólikteri men avtobýstarǵa ornatylǵan avtomatty buzýshylyqtardy tirkeý keshenderi de tiimdi qoldanylýda.
«2025 jyldyń birinshi jartyjyldyǵynyń qorytyndysy boiynsha Astanada 683 myńnan astam ákimshilik quqyq buzýshylyq tirkelip, jalpy somasy 8 milliard teńgeden astam aiyppul salyndy. Onyń 77 paiyzy nemese 6,15 milliard teńgesi óndirildi. «Qorǵaý» júiesiniń kómegimen jalǵan memlekettik nómir taqqan 27 avtokólik anyqtaldy. Sonymen qatar, 452 adam júrgizýshi kýáliginsiz, al 83 júrgizýshi kólik basqarý quqyǵynan aiyrylǵanyna qaramastan kólik tizgindegeni belgili boldy.
Quqyq buzǵan júrgizýshilerge qatysty tiisti sharalar qoldanyldy: 687 kólik aiypturaqqa qoiylyp, 10 500-den astam júrgizýshige jalpy somasy 456,2 million teńge bolatyn bereshegi týraly habarlama joldandy. Sot sheshimderiniń negizinde 560 adam júrgizýshi kýáliginen aiyrylyp, 750 adam ákimshilik qamaýǵa alyndy. Sonymen qatar 759 júrgizýshi kólik quralyn mas kúiinde basqarǵany úshin ustaldy.
Elordada jol qozǵalysy erejelerin buzýshylyqtardy anyqtaýǵa baǵyttalǵan foto-beine baqylaý júiesi belsendi qoldanylýda. Qala boiynsha ornatylǵan shamamen 6 000 avtomatty kameranyń kómegimen 2025 jyly 544 010 buzýshylyq anyqtalyp, 5,65 milliard teńge aiyppul salyndy. Onyń 82 paiyzy nemese 4,65 milliard teńgesi óndirildi», – deidi Nurlan Kaparov.
Sóz sońynda spiker jyl basynan beri 982 517 quqyq buzýshylyq tirkelip, salynǵan aiyppuldardyń jalpy somasy 11 milliard teńgeden asyp, onyń 8,9 milliard teńgesi óndirilgenin (óndirý deńgeii – 75,3%) qozǵap ótti.
Foto jáne beinekameralar 710 047 buzýshylyqty tirkep, 7,5 milliard teńge aiyppul salyndy. Onyń 83,2 paiyzy nemese 6 milliard teńgesi óndirildi. Bul avtomattandyrylǵan baqylaý júiesiniń tiimdiligin jáne jazanyń bultartpastyǵyn dáleldeidi.
