Astanada «Taza Qazaqstan: Astana – tazalyq pen tártiptiń úlgisi» aýqymdy ekologiialyq aktsiiasy ótip jatyr. Bul apta «Móldir bulaq» dep atalady, onyń barysynda sý aidyndary – ózender men kólderdiń ainalasy qoqystan tazartylady. Ekoaktsiia aiasynda GPT neirojelilik chatynyń kómegimen jasalǵan sýretterdiń fotokórmesi ótti, dep habarlaidy Dalanews.kz elorda ákimdiginiń resmi saityna silteme jasap.
Qonaqtar men qala turǵyndarynyń nazaryna álemdi jasandy intellekt kózimen beineleitin 50 erekshe sýret usynyldy. Kelýshiler ekologiiaǵa jaýapsyz kózqarasty kórsetetin jáne qorshaǵan ortaǵa qamqorlyq jasaýǵa shaqyratyn sýretterdi kórdi.
GPT chatymen jasalǵan kartinalardyń árqaisysy qazirgi jaǵdaidy jáne bolashaqty beineleidi. Sýretter ártúrli stilde jasalǵan. Jasandy intellekt bolashaqty qalai beineleitini kelýshilerdi erekshe qyzyqtyrdy.
Is-shara aiasynda belgili ekobelsendi Shasalim Shagalimov elorda turǵyndary úshin tabiǵatqa janashyrlyq taqyrybynda dáris oqydy.
«Bizdiń elimiz úshin ekologiia óte mańyzdy másele. Bul saladaǵy problemalardyń oń sheshimin qaladaǵy kommýnaldyq qyzmetter ǵana emes, turǵyndar da qoldaýy tiis. Kólik terezesinen laqtyrylǵan nemese arnaiy jáshikke salynbaǵan kishkene qoqystyń ózi ekologiiaǵa, joldarǵa, kóshelerge, jalpy qalamyzdyń syrt kelbetine teris áser etetinin umytpaýymyz kerek. Qorshaǵan ortaǵa, tabiǵatqa qurmetpen qaraýǵa, jaqsy ekologiia ult densaýlyǵyna tikelei áser etetinin este saqtaýǵa shaqyramyn», - dedi Shasalim Shagalimov.
Esterińizge sala keteiik, aýqymdy ekoaktsiia aiasynda qalany sanitarlyq tazartý, nóser jáne aryq jelileri, kóshelerdi, trotýarlardy, kvartalishilik aýmaqtardy, qoǵamdyq keńistikter men aýlalardy tazalaý jumystary júrgizilip jatyr.
Sondai-aq, jasyl jelekterdi kútip-ustaý jáne otyrǵyzý, saýda nysandaryna irgeles aýmaqtardy jinaý, kógaldar men gúlzarlar ornatý, ruqsat etilmegen poligondardy joiý jáne t.b. jumystar júrgizilýde.
