Astanada esirtkige qarsy kúres ailyǵynyń ashylýy ótti. Shara Esil ózeniniń jaǵalaýynda uiymdastyrylyp, Halyqaralyq nashaqorlyqpen kúres kúnine arnaldy, – dep habarlaidy elorda ákimdiginiń resmi saity.
Ailyq «Astana – esirtkisiz qala» atty aýqymdy aktsiia aiasynda ótkizilip otyr.
Maqsat – jastardyń esirtkige degen teris kózqarasyn qalyptastyrý, salaýatty ómir saltyn nasihattaý jáne qoǵamdy nashaqorlyqpen kúreske tartý.
Is-sharany Astana qalasy Politsiia departamentiniń Esirtki qylmysyna qarsy is-qimyl basqarmasy uiymdastyrdy.
Aktsiiaǵa tanymal blogerler, sportshylar, olardyń arasynda Vasilii Tahtai, Merei Aqshalov jáne Aidos Qojahmetov qatysty. Olar jastarǵa motivatsiialyq úndeý jasap, foto jáne avtograf-sessiialar ótkizdi. Sonymen qatar uiymdastyrýshylar men seriktester tarapynan merekelik kofe men syilyqtar taratyldy.
– Men oqýshy retinde mundai aktsiialardyń jastarǵa, ásirese problemanyń ózektiligin áli tolyq túsinbegenderge, qatty áser etetinin jaqsy bilemin. Syilyqtar men júldeler is-sharaǵa qatysýǵa qosymsha motivatsiia beredi, – dedi «Jer elshileri» jastar qozǵalysynyń kóshbasshysy Temirlan Úkibaev.
– Búgin – mektep bitirý keshi, jastar serýendep, demalyp júr. Dál osyndai kúni biz sport – ómir súrýdiń eń jaqsy stili ekenin kórsetkimiz keledi. Sol úshin túrli chellendjder, oiyndar ótkizip, jastardy salaýatty ómir saltyna tartpaqpyz, – dedi ol.
Politsiia qyzmetkerleri bul joly sharaǵa erekshe formatta qatysty.
– Oqý jyly boiy biz mektepterde dárister men sabaqtar ótkizemiz, al búgin jastarmen qarapaiym tilde – sport pen erkin áńgime arqyly sóileskimiz keledi. Múmkin bireý óz qiyndyǵyn aitqysy keler, al biz mindetti túrde kómektesemiz, – dedi Astana qalasy PD Esirtki qylmysyna qarsy is-qimyl basqarmasynyń asa mańyzdy ister jónindegi aǵa jedel ýákili Áliia Qybatqyzy.
