Astanada erekshe balalarǵa arnalǵan IT-tehnologiialar boiynsha bilim berý baǵdarlamasynyń tusaýkeseri ótti, dep habarlaidy Dalanews.kz elorda ákimdiginiń resmi saityna silteme jasap.
«Osobye prazdniki» qoǵamdyq qory Astana IT ýniversitetiniń stýdentterimen birlesip, «Kompiýterlik baǵdarlamalaý mektebi» inkliýzivti áleýmettik jobasyn bastady.
Baǵdarlama erekshe balalar arasynda tsifrlyq tehnologiialar salasyndaǵy bilim men daǵdylardy damytýǵa baǵyttalǵan.
«Bizdiń bastama óskeleń urpaqtyń IT-tehnologiiasyna degen qyzyǵýshylyǵyn arttyrýǵa baǵyttalǵan. Qazirgi zamanda baǵdarlamalaý – qajetti daǵdy men jastar arasynda salanyń damýy elimizde suranysqa ie mamandardyń sanynyń artýyna ákeledi dep senemiz», - dedi AITU stýdentteri Rashad Gadjiev pen Kirill Rojkov.
Jobanyń tusaýkeseri treningke qyzyǵýshylyq tanytqan jáne qatysýdy josparlap otyrǵan erekshe balalar men olardyń ata-analarynyń basyn qosady.
«Osyndai múmkindik berilgenine qýanyp otyrmyz. Bul biz úshin kópten kútken is-shara. Ulym baǵdarlamalaýǵa qyzyǵýshylyq tanytty, biz endi ǵana oqýdy bastaǵaly jatyrmyz. Bul joba keremet bastama! Uiymdastyrýshylarǵa kópten kóp raqmet!» - deidi erekshe balanyń anasy Sáýle Muhamedjanova.
