استانادا ەرەكشە بالالارعا ارنالعان IT-تەحنولوگيالار بويىنشا ءبىلىم بەرۋ باعدارلاماسىنىڭ تۇساۋكەسەرى ءوتتى، دەپ حابارلايدى Dalanews.kz ەلوردا اكىمدىگىنىڭ رەسمي سايتىنا سىلتەمە جاساپ.
«وسوبىە پرازدنيكي» قوعامدىق قورى استانا IT ۋنيۆەرسيتەتىنىڭ ستۋدەنتتەرىمەن بىرلەسىپ، «كومپيۋتەرلىك باعدارلامالاۋ مەكتەبى» ينكليۋزيۆتى الەۋمەتتىك جوباسىن باستادى.
باعدارلاما ەرەكشە بالالار اراسىندا سيفرلىق تەحنولوگيالار سالاسىنداعى ءبىلىم مەن داعدىلاردى دامىتۋعا باعىتتالعان.
«ءبىزدىڭ باستاما وسكەلەڭ ۇرپاقتىڭ IT-تەحنولوگياسىنا دەگەن قىزىعۋشىلىعىن ارتتىرۋعا باعىتتالعان. قازىرگى زاماندا باعدارلامالاۋ – قاجەتتى داعدى مەن جاستار اراسىندا سالانىڭ دامۋى ەلىمىزدە سۇرانىسقا يە مامانداردىڭ سانىنىڭ ارتۋىنا اكەلەدى دەپ سەنەمىز»، - دەدى AITU ستۋدەنتتەرى راشاد گادجييەۆ پەن كيريلل روجكوۆ.
جوبانىڭ تۇساۋكەسەرى ترەنينگكە قىزىعۋشىلىق تانىتقان جانە قاتىسۋدى جوسپارلاپ وتىرعان ەرەكشە بالالار مەن ولاردىڭ اتا-انالارىنىڭ باسىن قوسادى.
«وسىنداي مۇمكىندىك بەرىلگەنىنە قۋانىپ وتىرمىز. بۇل ءبىز ءۇشىن كوپتەن كۇتكەن ءىس-شارا. ۇلىم باعدارلامالاۋعا قىزىعۋشىلىق تانىتتى، ءبىز ەندى عانا وقۋدى باستاعالى جاتىرمىز. بۇل جوبا كەرەمەت باستاما! ۇيىمداستىرۋشىلارعا كوپتەن كوپ راقمەت!» - دەيدى ەرەكشە بالانىڭ اناسى ساۋلە مۇحامەدجانوۆا.
