Astanada áskerde aýyr jaraqat alyp, eki jyldan astam ýaqyt ómir úshin kúresken Erbaian Muhtarmen qoshtasý rásimi ótti, dep habarlaidy dalanews.kz.
Marqummen qoshtasýǵa týǵan-týystary, jaqyndary, dostary jáne ol merzimdi áskeri qyzmetin ótegen Ulttyq ulannyń ókilderi kelgen. Qaraly jiynda jinalǵandar qaiǵydan kóz jasyna erik bergen.
Jaqyndarynyń habarlaýynsha, janaza namazy 26 maýsym kúni saǵat 10:00-de Astanadaǵy «Sheih Kýnta qajy» meshitinde oqyldy. Al eske alý asy saǵat 11:00-de uiymdastyrylady.
Eske salaiyq, Erbaian Muhtar Almaty qalasyndaǵy Ulttyq ulannyń 5571 áskeri bóliminde merzimdi áskeri qyzmetin ótkergen. 2023 jyldyń jeltoqsanynda ol aýyr bas-mi jaraqatyn alyp, komaǵa túsken.
Áskeri bólim ókilderiniń málimetinshe, sarbaz dárethanada qulap, basyn plitkaǵa soǵyp alǵan. Alaida aýrýhanaǵa jetkizilgen kezde dárigerler oǵan aýyr bas-mi jaraqaty, jedel sýbdýraldy gematoma, shúide súieginiń synýy jáne basqa da aýyr zaqymdar diagnozyn qoiǵan. Erbaian birneshe kúrdeli operatsiiany bastan ótkerip, keiin sal bolyp qalǵan.
24 maýsym kúni Erbaian Muhtardyń qaitys bolǵany belgili boldy. Onyń taǵdyry qoǵamda úlken rezonans týdyrǵan edi. Qazaqstandyqtar jas jigittiń emine 224 million teńgeden astam qarjy jinap bergen. Keiin ol eki ret Ystanbulda em alyp, ońaltýdan ótti. Ekinshi sapar kezinde shyǵynnyń bir bóligin memleket óz moinyna alǵan.
2026 jyldyń mamyr aiynda Erbaiannyń jaǵdaiy kúrt nasharlaǵan. Dárigerlerdiń aitýynsha, ol eki jaqty pnevmoniia jáne aýyr tynys jetkiliksizdigimen aýrýhanaǵa túsken. Keiin poliorgandyq jetkiliksizdik pen sepsis damyǵan.
Dárigerlerdiń barlyq kúsh-jigerine qaramastan, Erbaian Muhtar 23 maýsym kúni kóz jumdy.
