استانادا ەسكەردە اۋىر جاراقات الىپ, ەكٸ جىلدان استام ۋاقىت ٶمٸر ٷشٸن كٷرەسكەن ەربايان مۇحتارمەن قوشتاسۋ رەسٸمٸ ٶتتٸ, دەپ حابارلايدى dalanews.kz.
مارقۇممەن قوشتاسۋعا تۋعان-تۋىستارى, جاقىندارى, دوستارى جەنە ول مەرزٸمدٸ ەسكەري قىزمەتٸن ٶتەگەن ۇلتتىق ۇلاننىڭ ٶكٸلدەرٸ كەلگەن. قارالى جيىندا جينالعاندار قايعىدان كٶز جاسىنا ەرٸك بەرگەن.
جاقىندارىنىڭ حابارلاۋىنشا, جانازا نامازى 26 ماۋسىم كٷنٸ ساعات 10:00-دە استاناداعى «شەيح كۋنتا قاجى» مەشٸتٸندە وقىلدى. ال ەسكە الۋ اسى ساعات 11:00-دە ۇيىمداستىرىلادى.
ەسكە سالايىق, ەربايان مۇحتار الماتى قالاسىنداعى ۇلتتىق ۇلاننىڭ 5571 ەسكەري بٶلٸمٸندە مەرزٸمدٸ ەسكەري قىزمەتٸن ٶتكەرگەن. 2023 جىلدىڭ جەلتوقسانىندا ول اۋىر باس-مي جاراقاتىن الىپ, كوماعا تٷسكەن.
ەسكەري بٶلٸم ٶكٸلدەرٸنٸڭ مەلٸمەتٸنشە, سارباز دەرەتحانادا قۇلاپ, باسىن پليتكاعا سوعىپ العان. الايدا اۋرۋحاناعا جەتكٸزٸلگەن كەزدە دەرٸگەرلەر وعان اۋىر باس-مي جاراقاتى, جەدەل سۋبدۋرالدى گەماتوما, شٷيدە سٷيەگٸنٸڭ سىنۋى جەنە باسقا دا اۋىر زاقىمدار دياگنوزىن قويعان. ەربايان بٸرنەشە كٷردەلٸ وپەراتسييانى باستان ٶتكەرٸپ, كەيٸن سال بولىپ قالعان.
24 ماۋسىم كٷنٸ ەربايان مۇحتاردىڭ قايتىس بولعانى بەلگٸلٸ بولدى. ونىڭ تاعدىرى قوعامدا ٷلكەن رەزونانس تۋدىرعان ەدٸ. قازاقستاندىقتار جاس جٸگٸتتٸڭ ەمٸنە 224 ميلليون تەڭگەدەن استام قارجى جيناپ بەرگەن. كەيٸن ول ەكٸ رەت ىستانبۇلدا ەم الىپ, وڭالتۋدان ٶتتٸ. ەكٸنشٸ ساپار كەزٸندە شىعىننىڭ بٸر بٶلٸگٸن مەملەكەت ٶز موينىنا العان.
2026 جىلدىڭ مامىر ايىندا ەرباياننىڭ جاعدايى كٷرت ناشارلاعان. دەرٸگەرلەردٸڭ ايتۋىنشا, ول ەكٸ جاقتى پنەۆمونييا جەنە اۋىر تىنىس جەتكٸلٸكسٸزدٸگٸمەن اۋرۋحاناعا تٷسكەن. كەيٸن پوليورگاندىق جەتكٸلٸكسٸزدٸك پەن سەپسيس دامىعان.
دەرٸگەرلەردٸڭ بارلىق كٷش-جٸگەرٸنە قاراماستان, ەربايان مۇحتار 23 ماۋسىم كٷنٸ كٶز جۇمدى.
