Astanada 24 jastaǵy jigit Ministrlikter úiiniń bir podezine ot qoiýǵa talpyndy. Bul sáttiń videosy áleýmettik jelide tarap ketti. Kadrlarda er adamnyń kireberistegi týrniketke janǵysh suiyqtyqty shashyp, ot qoiǵany anyq kórinedi, dep habarlaidy Dalanews.kz.
Qalalyq politsiia departamenti kúdiktiniń ustalǵanyn habarlady. Oqiǵa ornynda Tótenshe jaǵdailar departamentiniń mamandary shuǵyl áreket etip, órtti der kezinde sóndirdi. Abyroi bolǵanda, eshkim zardap shekpegen.
Tótenshe jaǵdailar ministrliginiń málimetinshe, tańǵy ýaqytta avtomatty órt dabyly iske qosylyp, oqiǵa ornyna dereý órt sóndirýshiler jetken. Shamamen 2 sharshy metr aýmaqta tutanǵan jalyn órt sóndirgishpen sóndirilgen.
Qazirgi ýaqytta bul fakti boiynsha sotqa deiingi tergeý bastaldy, oqiǵanyń naqty sebepteri anyqtalýda.
