استانادا 24 جاستاعى جىگىت مينيسترلىكتەر ءۇيىنىڭ ءبىر پودەزىنە وت قويۋعا تالپىندى. بۇل ءساتتىڭ ۆيدەوسى الەۋمەتتىك جەلىدە تاراپ كەتتى. كادرلاردا ەر ادامنىڭ كىرەبەرىستەگى تۋرنيكەتكە جانعىش سۇيىقتىقتى شاشىپ، وت قويعانى انىق كورىنەدى، دەپ حابارلايدى Dalanews.kz.
قالالىق پوليسيا دەپارتامەنتى كۇدىكتىنىڭ ۇستالعانىن حابارلادى. وقيعا ورنىندا توتەنشە جاعدايلار دەپارتامەنتىنىڭ ماماندارى شۇعىل ارەكەت ەتىپ، ءورتتى دەر كەزىندە ءسوندىردى. ابىروي بولعاندا، ەشكىم زارداپ شەكپەگەن.
توتەنشە جاعدايلار مينيسترلىگىنىڭ مالىمەتىنشە، تاڭعى ۋاقىتتا اۆتوماتتى ءورت دابىلى ىسكە قوسىلىپ، وقيعا ورنىنا دەرەۋ ءورت سوندىرۋشىلەر جەتكەن. شامامەن 2 شارشى مەتر اۋماقتا تۇتانعان جالىن ءورت سوندىرگىشپەن سوندىرىلگەن.
قازىرگى ۋاقىتتا بۇل فاكتى بويىنشا سوتقا دەيىنگى تەرگەۋ باستالدى، وقيعانىڭ ناقتى سەبەپتەرى انىقتالۋدا.
