Elordada jumysshy mamandyqtary jyly aiasynda 22 tamyzda jastarǵa arnalǵan elimizdegi eń iri bos jumys oryndary jármeńkesi ótedi,- dep habarlaidy Dalanews.kz
Is-sharany «AMANAT» partiiasynyń «Jastar Rýhy» jastar qanaty elorda ákimdigimen birlesip uiymdastyrýda. Negizgi maqsat – memlekettiń eń mańyzdy mindetteriniń biri – jastardy laiyqty jumyspen qamtý jáne adami kapitaldy damytý.
Jármeńke 22 tamyz kúni Kenesary kóshesi, 32 mekenjaiynda ornalasqan elordalyq E. Rahmadiev atyndaǵy memlekettik akademiialyq filarmoniia ǵimaratynda ótedi.
Bul jármeńke jastar men biznes arasyndaǵy tikelei dialog alańyna ainalyp, jas mamandarǵa ekonomikanyń naqty sektorynda ózin kórsetýge múmkindik beredi.
Ártúrli saladan 70-ten astam jumys berýshi 1000-nan asa ózekti bos jumys ornyn usynady.
Qatysýshylardyń qatarynda elimizdiń jetekshi ulttyq kompaniialary bar: «KEGOC» AQ, «Qazaqtelekom» AQ, «DAR RAIL» JShS, «Home Credit Bank» AQ, «IntegraConstruction KZ» JShS, «Qazmedia ortalyǵy» AQ, «Bogatyr Kómir» JShS, «Qazposhta» AQ, «Qazaqstan Halyq Banki» AQ, Astana Hub jáne basqa da iri uiymdar.
Jármeńkeniń ótýi júzdegen jas qazaqstandyqty jumyspen qamtýǵa ǵana emes, sonymen qatar jumysshy mamandyqtarynyń bedelin arttyrýǵa, básekege qabiletti urpaqty qalyptastyrýǵa jáne el ekonomikasyn nyǵaitýǵa qýatty serpin beredi.
