Elordanyń Dostyq úiinde Qazaqstan halqy assambleiasynyń 30 jyldyǵyna orai «Dostyq – beibitshilik kepili» atty dóńgelek ústel ótti,- dep habarlaidy Dalanews.kz elorda ákimdiginiń resmi saityna silteme jasap.
Aýqymdy is-sharaǵa Qazaqstan halqy assambleiasynyń Astana qalasyndaǵy ortalyqtarynyń basshylary, «AMANAT» partiiasynyń beldi músheleri jáne máslihat depýtattary qatysty.
Astana qalasy Ishki saiasat basqarmasy basshysynyń orynbasary Lázzat Qusaiynova biyl saiasi mańyzy bar kúnderge toly ekenin, osyǵan orai qundy is-sharalar uiymdastyrylýy kerek ekenin eskere otyryp, jyl memorandýmmen bastaǵaly otyrǵanyn aitty.
«Biyl – mereitoi men tól merekelerge toly jyl. Sonyń ishinde Uly Jeńiske 80 jyl, Abai Qunanbaiulynyń 180 jyldyǵy, sondai-aq Qazaqstan Respýblikasy Konstitýtsiiasyna 30 jyl jáne Qazaqstan Halqy Assambleiasyna 30 jyl. Uiym osy jyldar ishinde elimizdegi beibitshilik pen kelisimniń, ózara dostyqtyń biregei institýtyna ainaldy. Osy mereitoi aiasynda «AMANAT» partiiasy Astana qalalyq filialy men elordadaǵy Qazaqstan halqy Assambleiasy arasynda memorandýmǵa qol qoiyldy. Onyń maqsaty birlese keshendi jumys isteý, sonyń ishinde elimizdegi birlikti, beibitshilik pen kelisimdi, túrli etnos ókilderiniń ózara dostyǵyn ári qarai nyǵaita túsý bolmaq», - dedi AMANAT partiiasy Astana qalalyq filialynyń atqarýshy hatshysy Muhammed Bolysbek.
Budan soń partiianyń Astana qalalyq filialynyń atqarýshy hatshysy Muhammed Bolysbek pen Astana qalasy ákimdiginiń «Qoǵamdyq kelisim» KMM basshysy Nural Aidashev ortaǵa shaqyrylyp, «AMANAT» partiiasy Astana qalalyq filialy men Astana qalasy Qazaqstan halqy Assambleiasy arasynda ózara yntymaqtastyq pen kelisim týraly memorandýmǵa qol qoiyldy.
Dóńgelek ústel aiasynda etnomádeni ortalyqtyń basshylarymen jyldyq jospar talqylandy.
