Astana qalasynyń ákimi Jeńis Qasymbek Instagram paraqshasynda biyl ashylatyn stýdenttik jataqhanalar týraly jazdy,- dep habarlaidy Dalanews.kz
«Qaladaǵy infraqurylymdyq jáne áleýmettik nysandardy júieli deńgeide salýdy jalǵastyramyz. Olar – tirshilikti qamtamasyz etý júieleriniń, bilim berý, meditsina, sport jáne t.b. nysandary. Ózderińiz biletindei, ózge qalalardan keletin stýdentter sany jyl saiyn artyp keledi. Jaýapty ministrlikpen, ýniversitettermen, investorlarmen birlesip, jataqhanalardaǵy oryn sanyn ulǵaitý boiynsha jumys isteimiz.
Máselen, byltyr 4 myń 200 orynǵa arnalǵan 7 stýdenttik jataqhana salynyp, paidalanýǵa berildi. Olar – L.N. Gýmilev atyndaǵy EUÝ, «Turan Astana» ýniversiteti, Meditsina ýniversiteti, Astana IT university stýdentterine jáne t.b. arnalǵan jataqhanalar.
Biyl taǵy 8 jataqhanany paidalanýǵa berý josparlanyp otyr. Olar qosymsha 3,5 myń oryn ashýǵa múmkindik beredi. Sonymen qatar, joǵary oqý oryndaryna oqý ǵimarattaryn salý úshin jer ýchaskeleri bólindi, onda stýdenttik jataqhanalardyń qurylysy da qarastyrylǵan.
2023 jyldan bastap stýdenttik jataqhanalar salý boiynsha jobalyq keńse jumys isteidi. Front-ofistiń negizgi mindeti – jataqhanalar salý boiynsha memlekettik baǵdarlamany júzege asyrý úshin qolaily jaǵdailar jasaý jáne stýdentterdi baspanamen qamtamasyz etý, sol siiaqty JOO-lar men áleýetti investorlarǵa zańgerlik, konsýltatsiialyq jáne saraptamalyq qoldaý kórsetý», - dep jazdy Jeńis Qasymbek.
