Astana qalasynyń ákimi Jeńis Qasymbek Instagram-paraqshasynda áleýmettik infraqurylym qurylysynyń qarqyny týraly jazdy,- dep habarlaidy Dalanews.kz
Onyń aitýynsha, elordada balabaqsha men mektep tapshylyǵyn azaitý maqsatynda aýqymdy jumys atqarylyp jatyr.
«2017 jyldan beri memlekettik balabaqsha qurylysy toqtap turǵan edi. Biz bul isti qaita jandandyrdyq. Jer telimderin bólip, infraqurylym daiyndadyq», – dedi ákim.
Biyl qalada jalpy 2899 orynǵa arnalǵan 11 balabaqsha paidalanýǵa berilmek. Onyń 5-eýi – jergilikti biýdjet esebinen, 4-eýi – jeke investitsiia arqyly, qalǵan ekeýi – turǵyn úilerdiń birinshi qabatynda jáne jańǵyrtylǵan ǵimaratta ashylady.
Sonymen qatar, jańa oqý jylynda elordada 15 jańa mektep iske qosylady. Ótken jyly 24 mektep paidalanýǵa berilgen, onyń 16-sy – «Jaily mektep» ulttyq jobasy aiasynda salynǵan.
Jeńis Qasymbektiń aitýynsha, áleýmettik nysandarmen qatar injenerlik infraqurylym da damyp jatyr. Qalada gaz jylytý stantsiialary, aýyz sý men elektr energiiasyn jetkizetin nysandar salynyp, tirshilikti qamtamasyz etetin júieler jańartylýda.
