Búgin, 2026 jylǵy 1 shildede Qazaqstan Respýblikasynyń jańa Konstitýtsiiasy kúshine endi, dep habarlaidy dalanews.kz.
Onda óńirlerdi jedel damytýdyń zamanaýi tetigi belgilengen. «Jedel damityn qala» mártebesin de, arnaiy quqyqtyq rejimdi engizý de mańyzdy jańalyq bolyp otyr.
Elimizdiń ekonomikalyq ósýiniń alǵashqy osyndai biregei alańy men jańa orny Alataý qalasy bolmaq. Memleket basshysy 8 mamyrda qol qoiǵan Konstitýtsiialyq Zań aýqymdy jobanyń quqyqtyq negizin qalaidy. Jańa mártebeniń arqasynda Alataý óziniń institýtsionaldyq qurylymy bar derbes ekonomikalyq ekojúiege ie bolady. Ol 12 ai ishinde kezeń-kezeńmen engiziledi. 1 shildeden bastap Alatau City Authority tolyqqandy memlekettik organǵa ainalady. Al qalanyń damýyn strategiialyq basqarý Premer-ministrdiń tikelei tóraǵalyǵymen Keńeske ótedi.
Alataýda halyqaralyq investorlar úshin túbegeili jańa orta qurylady. Qalanyń arnaiy rejimi boiynsha biznesti júrgizýde ornyqty jaǵdai, jeke litsenziialaý tártibi, «bir tereze» qaǵidatymen táýelsiz retteý jáne kapitaldy qorǵaýdyń halyqaralyq tetigi qoldanylady. Qala aýmaǵynda úzdik álemdik standarttarmen tolyqtyrylǵan arnaiy salyq, kedendik jáne biýdjettik rejim de jumys istei bastaidy. Jetekshi halyqaralyq konsaltingtik kompaniialardyń qoldaýymen jyl sońyna deiin sáýlet, qurylys jáne qadaǵalaý jónindegi normativtik baza qalyptastyrylady.
Alataýdy strategiialyq josparlaý aldaǵy onjyldyqtarǵa eseptelgen. Qazir 30 jyldyq uzaq merzimdi damý jospary, bas jospar jáne 2040 jylǵa deiingi strategiia ázirlenip jatyr. Qalanyń ózi aqyldy jáne tehnologiialyq turǵyda bolady: Koreia Respýblikasymen birlesip 330 gektar aýmaqta K-Smart City tsifrlyq aýdany jobalanyp jatyr. Onyń qurylysyn koreilik ázirleýshiler 2027 jyly bastaidy. Protsesterdi basqarýda Alatau AI-Driven City tujyrymdamasy sheńberinde jasandy intellektke tolyqtai senim beriledi. Ol qalanyń tolyqqandy tsifrlyq egizin qurýǵa arnalǵan.
Megapolistiń ekonomikalyq irgetasy údemeli qarqynmen qalanýda. Qoldanystaǵy jol kartasynda qazirdiń ózinde 36 aýqymdy infraqurylymdyq joba qamtylǵan. Sonymen qatar, jalpy kólemi 2 trillion teńgege jýyq 53 jobadan turatyn investitsiialyq portfel qalyptastyrylǵan. Bul shamamen 51 myń jańa jumys ornyn qurýǵa múmkindik beredi.
