بٷگٸن, 2026 جىلعى 1 شٸلدەدە قازاقستان رەسپۋبليكاسىنىڭ جاڭا كونستيتۋتسيياسى كٷشٸنە ەندٸ, دەپ حابارلايدى dalanews.kz.
وندا ٶڭٸرلەردٸ جەدەل دامىتۋدىڭ زاماناۋي تەتٸگٸ بەلگٸلەنگەن. «جەدەل داميتىن قالا» مەرتەبەسٸن دە, ارنايى قۇقىقتىق رەجيمدٸ ەنگٸزۋ دە ماڭىزدى جاڭالىق بولىپ وتىر.
ەلٸمٸزدٸڭ ەكونوميكالىق ٶسۋٸنٸڭ العاشقى وسىنداي بٸرەگەي الاڭى مەن جاڭا ورنى الاتاۋ قالاسى بولماق. مەملەكەت باسشىسى 8 مامىردا قول قويعان كونستيتۋتسييالىق زاڭ اۋقىمدى جوبانىڭ قۇقىقتىق نەگٸزٸن قالايدى. جاڭا مەرتەبەنٸڭ ارقاسىندا الاتاۋ ٶزٸنٸڭ ينستيتۋتسيونالدىق قۇرىلىمى بار دەربەس ەكونوميكالىق ەكوجٷيەگە يە بولادى. ول 12 اي ٸشٸندە كەزەڭ-كەزەڭمەن ەنگٸزٸلەدٸ. 1 شٸلدەدەن باستاپ Alatau City Authority تولىققاندى مەملەكەتتٸك ورگانعا اينالادى. ال قالانىڭ دامۋىن ستراتەگييالىق باسقارۋ پرەمەر-مينيستردٸڭ تٸكەلەي تٶراعالىعىمەن كەڭەسكە ٶتەدٸ.
الاتاۋدا حالىقارالىق ينۆەستورلار ٷشٸن تٷبەگەيلٸ جاڭا ورتا قۇرىلادى. قالانىڭ ارنايى رەجيمٸ بويىنشا بيزنەستٸ جٷرگٸزۋدە ورنىقتى جاعداي, جەكە ليتسەنزييالاۋ تەرتٸبٸ, «بٸر تەرەزە» قاعيداتىمەن تەۋەلسٸز رەتتەۋ جەنە كاپيتالدى قورعاۋدىڭ حالىقارالىق تەتٸگٸ قولدانىلادى. قالا اۋماعىندا ٷزدٸك ەلەمدٸك ستاندارتتارمەن تولىقتىرىلعان ارنايى سالىق, كەدەندٸك جەنە بيۋدجەتتٸك رەجيم دە جۇمىس ٸستەي باستايدى. جەتەكشٸ حالىقارالىق كونسالتينگتٸك كومپانييالاردىڭ قولداۋىمەن جىل سوڭىنا دەيٸن سەۋلەت, قۇرىلىس جەنە قاداعالاۋ جٶنٸندەگٸ نورماتيۆتٸك بازا قالىپتاستىرىلادى.
الاتاۋدى ستراتەگييالىق جوسپارلاۋ الداعى ونجىلدىقتارعا ەسەپتەلگەن. قازٸر 30 جىلدىق ۇزاق مەرزٸمدٸ دامۋ جوسپارى, باس جوسپار جەنە 2040 جىلعا دەيٸنگٸ ستراتەگييا ەزٸرلەنٸپ جاتىر. قالانىڭ ٶزٸ اقىلدى جەنە تەحنولوگييالىق تۇرعىدا بولادى: كورەيا رەسپۋبليكاسىمەن بٸرلەسٸپ 330 گەكتار اۋماقتا K-Smart City تسيفرلىق اۋدانى جوبالانىپ جاتىر. ونىڭ قۇرىلىسىن كورەيلٸك ەزٸرلەۋشٸلەر 2027 جىلى باستايدى. پروتسەستەردٸ باسقارۋدا Alatau AI-Driven City تۇجىرىمداماسى شەڭبەرٸندە جاساندى ينتەللەكتكە تولىقتاي سەنٸم بەرٸلەدٸ. ول قالانىڭ تولىققاندى تسيفرلىق ەگٸزٸن قۇرۋعا ارنالعان.
مەگاپوليستٸڭ ەكونوميكالىق ٸرگەتاسى ٷدەمەلٸ قارقىنمەن قالانۋدا. قولدانىستاعى جول كارتاسىندا قازٸردٸڭ ٶزٸندە 36 اۋقىمدى ينفراقۇرىلىمدىق جوبا قامتىلعان. سونىمەن قاتار, جالپى كٶلەمٸ 2 تريلليون تەڭگەگە جۋىق 53 جوبادان تۇراتىن ينۆەستيتسييالىق پورتفەل قالىپتاستىرىلعان. بۇل شامامەن 51 مىڭ جاڭا جۇمىس ورنىن قۇرۋعا مٷمكٸندٸك بەرەدٸ.
