Astanada 13 naýryz kúni respýblikalyq «JORYQ» at sporty federatsiiasy men Astana qalasy Ulttyq jáne olimpiadalyq at sporty túrleri federatsiiasy arasynda Memorandýmǵa qol qoiyldy.
Qujatqa respýblikalyq «JORYQ» at sporty federatsiiasynyń prezidenti Baqytjan Turlybekov pen Astana qalasy Ulttyq jáne olimpiadalyq at sporty túrleri federatsiiasynyń prezidenti Erlan Kanalimov qol qoidy.
14 tarmaqtan turatyn Memorandým eki federatsiia arasyndaǵy áriptestikti, yntymaqtastyqty nyǵaitýdy jáne at sportyn damytý men tanymaldyǵyn arttyrýdy kózdeidi.
Atap aitqanda, taraptar birlese otyryp at sportyn tiimdi damytýǵa baǵyttalǵan bastamalaryna qoldaý kórsetýge, Qostanai jáne Adai jylqylarynyń tuqymyn, jylqy malynyń qolǵa alǵash úiretilgen Botai mádenietin nasihattaý barysynda birlesken jumys júrgiýge ýaǵdalasty.
Taraptar Astana qalasynyń shaǵyn saiabaqtarynyń birinde Botai jylqysyna eskertkish ornatý jáne qoǵamdyq keńistikti sol taqyrypta abattandyrý men Astana qalasynda ashyq aspan astynda Botai mádenietiniń murajaiyn uiymdastyrý boiynsha birlesip jumys atqarýdy da josparlap otyr.
Sonymen qatar, eki federatsiia at sportyna úles qosqan azamattardy jyl saiyn qoshemetteý jáne marapattaý saltanatty sharasyn uiymdastyryp, joǵary oqý oryndarymen birlesken sharalar ótkizbekshi.
Buǵan qosa qazaq jylqysyn, onyń qazaq turmysy men mádenietindegi ornyn nasihattaý jolynda Astana qalasyndaǵy teatrlardyń birinde arnaiy qoiylym kórsetý boiynsha birlesken jumys ta qolǵa alynbaq.
