2024 jyly Astana qalasynyń memlekettik organdary 18 mln-nan astam memlekettik qyzmet kórsetti. Bul týraly elordanyń Memlekettik qyzmet isteri departamentiniń basshysy Maqsat Mýsin Kommýnikatsiialar qyzmetinde ótken brifingte aitty,- dep habarlaidy Dalanews.kz Astana ákimdiginiń resmi saityna silteme jasap.
Maqsat Mýsinniń aitýynsha, departament ýákiletti organ retinde memlekettik qyzmetter kórsetý sapasyna qatysty memlekettik baqylaý sharalaryn júzege asyrady.
"Memleket basshysynyń «halyq únine qulaq asatyn memleket» qaǵidatyn iske asyrý jónindegi tapsyrmasyn oryndaý aiasynda halyqqa memlekettik qyzmet kórsetý sapasyn baqylaý úshin azamattyq qoǵamdy tartý jumysy kúsheitildi", - dedi Maqsat Mýsin.
Vedomstvo basshysy sózin jalǵai otyryp, departament janynda Memlekettik qyzmetter kórsetý máseleleri jónindegi vedomstvoaralyq jumys toby jumys atqaratynyn, onda memlekettik kórsetiletin qyzmetterdiń sapasy men qoljetimdiligin arttyrý boiynsha usynystar men usynymdar ázirlenetinin tilge tiek etti.
Onyń aitýynsha, jumys toby mynadai mindettermen ainalysady:
- Memlekettik qyzmetterdi jaqsartý boiynsha máseleler men usynystardy taldaý;
- Qyzmetterdiń ashyqtyǵy men qoljetimdiligin arttyrý úshin usynystar ázirleý;
- Memlekettik qyzmetter kórsetý sapasyn jaqsartý, zańnamany jetildirý, ázirleý jáne engizý boiynsha memlekettik organdarmen, onyń ishinde tiisti memlekettik organdardy ózara is-qimyl;
- Múddeli memlekettik organdarmen, úkimettik emes uiymdarmen halyqqa memlekettik qyzmet kórsetý sapasyn qamtamasyz etý máseleleri boiynsha birlesken is-sharalar ótkizý.
"Biz elordanyń belsendi turǵyndaryn jáne memlekettik organdardyń, úkimettik emes uiymdardyń, kásipkerlik sýbektileriniń ókilderin, azamattyq ustanymy aiqyn qoǵam qairatkerlerin memlekettik qyzmet kórsetý máseleleri jónindegi jumys tobyna qosylýǵa shaqyramyz", - deidi departament basshysy.
