2024 جىلى استانا قالاسىنىڭ مەملەكەتتىك ورگاندارى 18 ملن-نان استام مەملەكەتتىك قىزمەت كورسەتتى. بۇل تۋرالى ەلوردانىڭ مەملەكەتتىك قىزمەت ىستەرى دەپارتامەنتىنىڭ باسشىسى ماقسات مۋسين كوممۋنيكاسيالار قىزمەتىندە وتكەن بريفينگتە ايتتى،- دەپ حابارلايدى Dalanews.kz استانا اكىمدىگىنىڭ رەسمي سايتىنا سىلتەمە جاساپ.
ماقسات ءمۋسيننىڭ ايتۋىنشا، دەپارتامەنت ۋاكىلەتتى ورگان رەتىندە مەملەكەتتىك قىزمەتتەر كورسەتۋ ساپاسىنا قاتىستى مەملەكەتتىك باقىلاۋ شارالارىن جۇزەگە اسىرادى.
"مەملەكەت باسشىسىنىڭ «حالىق ۇنىنە قۇلاق اساتىن مەملەكەت» قاعيداتىن ىسكە اسىرۋ جونىندەگى تاپسىرماسىن ورىنداۋ اياسىندا حالىققا مەملەكەتتىك قىزمەت كورسەتۋ ساپاسىن باقىلاۋ ءۇشىن ازاماتتىق قوعامدى تارتۋ جۇمىسى كۇشەيتىلدى"، - دەدى ماقسات مۋسين.
ۆەدومستۆو باسشىسى ءسوزىن جالعاي وتىرىپ، دەپارتامەنت جانىندا مەملەكەتتىك قىزمەتتەر كورسەتۋ ماسەلەلەرى جونىندەگى ۆەدومستۆوارالىق جۇمىس توبى جۇمىس اتقاراتىنىن، وندا مەملەكەتتىك كورسەتىلەتىن قىزمەتتەردىڭ ساپاسى مەن قولجەتىمدىلىگىن ارتتىرۋ بويىنشا ۇسىنىستار مەن ۇسىنىمدار ازىرلەنەتىنىن تىلگە تيەك ەتتى.
ونىڭ ايتۋىنشا، جۇمىس توبى مىناداي مىندەتتەرمەن اينالىسادى:
- مەملەكەتتىك قىزمەتتەردى جاقسارتۋ بويىنشا ماسەلەلەر مەن ۇسىنىستاردى تالداۋ؛
- قىزمەتتەردىڭ اشىقتىعى مەن قولجەتىمدىلىگىن ارتتىرۋ ءۇشىن ۇسىنىستار ازىرلەۋ؛
- مەملەكەتتىك قىزمەتتەر كورسەتۋ ساپاسىن جاقسارتۋ، زاڭنامانى جەتىلدىرۋ، ازىرلەۋ جانە ەنگىزۋ بويىنشا مەملەكەتتىك ورگاندارمەن، ونىڭ ىشىندە ءتيىستى مەملەكەتتىك ورگانداردى ءوزارا ءىس-قيمىل؛
- مۇددەلى مەملەكەتتىك ورگاندارمەن، ۇكىمەتتىك ەمەس ۇيىمدارمەن حالىققا مەملەكەتتىك قىزمەت كورسەتۋ ساپاسىن قامتاماسىز ەتۋ ماسەلەلەرى بويىنشا بىرلەسكەن ءىس-شارالار وتكىزۋ.
"ءبىز ەلوردانىڭ بەلسەندى تۇرعىندارىن جانە مەملەكەتتىك ورگانداردىڭ، ۇكىمەتتىك ەمەس ۇيىمداردىڭ، كاسىپكەرلىك سۋبەكتىلەرىنىڭ وكىلدەرىن، ازاماتتىق ۇستانىمى ايقىن قوعام قايراتكەرلەرىن مەملەكەتتىك قىزمەت كورسەتۋ ماسەلەلەرى جونىندەگى جۇمىس توبىنا قوسىلۋعا شاقىرامىز"، - دەيدى دەپارتامەنت باسشىسى.
