Elordada «Astana – esirtkisiz qala» aktsiiasy aiasynda «BAIQONYR RUN» jeńil atletikalyq jarysy uiymdastyryldy,- dep habarlaidy Dalanews.kz
Jarys qalalyq ákimdik pen sporttyq-buqaralyq is-sharalardy ótkizý direktsiiasynyń birlesýimen ótkizildi. Qatysýshylar «Alataý» sport kesheni mańyndaǵy aýmaqta 4 shaqyrym qashyqtyqqa júgirdi.
Sporttyq sharaǵa 500-den astam adam qatysty, olardyń qatarynda 10 jastan asqan balalar men eresekter boldy.
Qatysýshylarǵa estelik medaldar tabystaldy. Jarys aiaqtalǵannan keiin 10 velosiped utysqa tigildi.
«Jarystyń maqsaty – Astanada ótip jatqan esirtkige qarsy aktsiia aiasynda ásirese jastar arasynda salaýatty ómir saltyn qalyptastyrýdy nasihattaý. Biz olardyń shylym shegý jáne ziiandy zattardy qoldaný sekildi teris ádetterden aýlaq bolýyna, sportqa bet burýyna jaǵdai jasaǵymyz keledi. Ókinishke qarai, búginde jastar arasynda mundai ziiandy ádetter jii kezdesip jatady, al biz buǵan qarsy turýymyz kerek», – dedi elordadaǵy sporttyq-buqaralyq is-sharalardy ótkizý direktsiiasy basshysynyń orynbasary Erjigit Óserbai.
«Astana – esirtkisiz qala» aktsiiasy jyl basynda bastaý alǵan. Osy ýaqytqa deiin onyń aiasynda 300-den astam is-shara ótkizildi. Tek ótken aptada ǵana jappai velosherý uiymdastyryldy. Jyl sońyna deiin Astana qalasy Politsiia departamentiniń esirtki qylmystaryna qarsy is-qimyl basqarmasymen birlesip, taǵy 100-ge jýyq is-shara ótkizý josparlanyp otyr.
