Elordada qoǵamdyq tártipti buzǵan er adam qamaýǵa alyndy, dep habarlaidy dalanews.kz.
47 jastaǵy er adamnyń qoǵamdyq oryndarda agressivti áreket jasaýyna bailanysty politsiiaǵa úsh ret shaǵym túsken.
Alǵashqy oqiǵa qalalyq avtobýsta tirkelgen. Mas kúide bolǵan er adam balaǵat sózder aityp, jolaýshy áielmen janjal shyǵarǵan. Áiel politsiiaǵa júgindi.
Avtobýstan túskennen keiin ol aialdamada taǵy bir áielmen sózge kelip, oǵan da ádepsiz sózder aitqan.
Keiinirek er adam velosipedshimen janjaldasyp, onyń velosipedin laqtyryp jibergen. Osy oqiǵadan keiin velosipedshi de politsiiaǵa aryzdanǵan.
Politsiia qyzmetkerleri quqyq buzǵan adamdy anyqtap, ony ustady. Oǵan qatysty eki ret usaq buzaqylyq jasaǵany jáne qoǵamdyq orynda mas kúiinde júrgeni úshin ákimshilik hattamalar toltyryldy. Sot sheshimimen er adam 10 táýlikke ákimshilik qamaýǵa alyndy.
