Elordada zańsyz kóshi-qon arnasy áshkerelendi, dep habarlaıdy Dalanews.kz.
Aýqymdy arnaıy operasıa nátıjesinde Aqmola oblysy polısıa departamentiniń uıymdasqan qylmysqa qarsy kúres basqarmasy oblystyq prokýratýranyń úılestirýimen elorda aýmaǵynda zańsyz kóshi-qondy uıymdastyrǵan qylmystyq toptyń jolyn kesti.
Tergeý derekterine súıensek, qylmystyq shemany Selınograd aýdany Talapker aýylynyń 49 jastaǵy turǵyny uıymdastyrǵan. Ol Qazaqstan aýmaǵyna kelgen sheteldik azamattardy taýyp, olarǵa ýaqytsha turýǵa, tirkelýge nemese turýǵa yqtıarhat alýǵa járdemdesýdi usynǵan.
"Bul qyzmetke ózge adamdar da tartylyp, qylmystyq top qurylymdyq túrde jumys istegen. Fıgýranttar jalǵan qujattardy rásimdeý arqyly kórsetken qyzmetteri úshin 40 myńnan 2 mıllıon teńgege deıin syıaqy alyp otyrǵan. Jedel izdestirý sharalary barysynda tártip saqshylary aıǵaq zattar – qujattar, mórler men anyqtamalardy tárkiledi", - dedi İİM ókili.
Qazir zańsyz kóshi-qon deregi boıynsha qylmystyq is qozǵalyp, toptyń ózge de zańsyz áreketteri muqıat tekserilip, tergeý jalǵasyp jatyr.