ەلوردادا زاڭسىز كٶشٸ-قون ارناسى ەشكەرەلەندٸ, دەپ حابارلايدى Dalanews.kz.
اۋقىمدى ارنايى وپەراتسييا نەتيجەسٸندە اقمولا وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسى وبلىستىق پروكۋراتۋرانىڭ ٷيلەستٸرۋٸمەن ەلوردا اۋماعىندا زاڭسىز كٶشٸ-قوندى ۇيىمداستىرعان قىلمىستىق توپتىڭ جولىن كەستٸ.
تەرگەۋ دەرەكتەرٸنە سٷيەنسەك, قىلمىستىق سحەمانى تسەلينوگراد اۋدانى تالاپكەر اۋىلىنىڭ 49 جاستاعى تۇرعىنى ۇيىمداستىرعان. ول قازاقستان اۋماعىنا كەلگەن شەتەلدٸك ازاماتتاردى تاۋىپ, ولارعا ۋاقىتشا تۇرۋعا, تٸركەلۋگە نەمەسە تۇرۋعا ىقتييارحات الۋعا جەردەمدەسۋدٸ ۇسىنعان.
"بۇل قىزمەتكە ٶزگە ادامدار دا تارتىلىپ, قىلمىستىق توپ قۇرىلىمدىق تٷردە جۇمىس ٸستەگەن. فيگۋرانتتار جالعان قۇجاتتاردى رەسٸمدەۋ ارقىلى كٶرسەتكەن قىزمەتتەرٸ ٷشٸن 40 مىڭنان 2 ميلليون تەڭگەگە دەيٸن سىياقى الىپ وتىرعان. جەدەل ٸزدەستٸرۋ شارالارى بارىسىندا تەرتٸپ ساقشىلارى ايعاق زاتتار – قۇجاتتار, مٶرلەر مەن انىقتامالاردى تەركٸلەدٸ", - دەدٸ ٸٸم ٶكٸلٸ.
قازٸر زاڭسىز كٶشٸ-قون دەرەگٸ بويىنشا قىلمىستىق ٸس قوزعالىپ, توپتىڭ ٶزگە دە زاڭسىز ەرەكەتتەرٸ مۇقييات تەكسەرٸلٸپ, تەرگەۋ جالعاسىپ جاتىر.
