Astanada «Taza Qazaqstan. Astana – tazalyq pen tártiptiń úlgisi» atty ekologiialyq aktsiia bastaldy. Oǵan qala turǵyndary, eńbek ujymdary, memlekettik organdardyń qyzmetkerleri, shaǵyn jáne orta biznes sýbektileri (bazarlar, saýda oiyn-saýyq ortalyqtary, kafeler, meiramhanalar jáne t.b.), eriktiler, oqýshylar men stýdentter, MIB (PIK) jáne t.b. qatysty, dep habarlaidy elorda ákimdiginiń resmi saity.
Ekoaktsiia aiasynda qalany sanitarlyq tazartý, nóser jáne aryq káriz jelileri, kóshelerdi, trotýarlardy, kvartalishilik aýmaqtardy, qoǵamdyq keńistikter men aýlalardy tazalaý júrgiziledi.
Sondai-aq, jasyl jelekterdi kútip-baptaý jáne otyrǵyzý boiynsha maýsymdyq agrotehnikalyq jumystar, saýda obektilerine irgeles aýmaqtardy jinaý, kógaldar men gúlzarlardy tazartý boiynsha is-sharalar, ruqsat etilmegen poligondardy joiý jáne t.b. ótkiziledi.
Elordada árbir turǵyn tazalyq pen tártipti qamtamasyz etýge belsendi úles qosyp jatyr. Qala turǵyndary búkil kireberistermen óz aýlalaryn taza etýge bilek sybana kiristi.
«Búgin Saryarqa, 5/1 mekenjaiynda ornalasqan úiimizdiń aýlasynda ekologiialyq aktsiiany qoldaityn turǵyndar senbilikke shyqty. Jastardy jáne turǵyndardy oǵan belsendi qatysýǵa jáne qalany odan da taza etýge shaqyramyz», - dep maqtana oiyn jetkizdi jergilikti belsendi Farida Abdýlhaeva.
Ekologiialyq aktsiia kezinde bes aýdannyń árqaisysynda aǵashtar men butalar otyrǵyzylady.
Is-sharadan alǵan áseri jaily Esil aýdanynyń turǵyny da oi bildirdi.
«Tazalyq mádenietin qalyptastyrý, tabiǵat pen qorshaǵan ortaǵa uqypty qaraý óte mańyzdy. Sondyqtan bizben birge balalar men ata-analar shyqty, olar da tazalyqqa atsalysady. Sebebi, olar – osy aýlanyń turǵyndary. Bizdiń kórshilerimiz óte tatý, biz aýlamyzdy taza ári uqypty ustap qana qoimai, qalalyq is-sharalarǵa bir kisidei shyǵamyz», - deidi belsendi turǵyn Qabylhan Baiysov.
Memleket basshysy óz úndeýinde kóshelerdi tazartý, eldi mekenderdiń aýmaqtaryn kógaldandyrý jáne abattandyrý, sondai-aq joldardy retke keltirý jónindegi naýqandy júrgizýdiń mańyzdylyǵyn atap ótti.
Esterińizge sala keteiik, elimizde «Taza Qazaqstan» respýblikalyq ekologiialyq aktsiiasy bastaldy. Aýqymdy ekologiialyq aktsiia bes aptaǵa sozylady, olardyń árqaisysy belgili bir taqyrypqa arnalady.
Birinshi apta «Taza ólke» dep atalady. Alǵashqy aptada eldi mekenderdiń turǵyndary, qoǵam belsendileri, uiymdar men kásiporyndardyń qyzmetkerleri irgeles aýmaqtar men aýlalardy tazartady.
20 sáýirge deiingi aptaǵa «Kieli meken» ataýy berilip, tarihi-mádeni eskertkishter aýmaǵyn abattandyrý jumysyna arnalady.
20-27 sáýir aralyǵynda «Jasyl aimaq» aptalyǵy aǵash kóshetterin otyrǵyzýǵa, aǵashtardy aqtaýǵa arnalady.
