Astanada respýblikalyq «Taza Qazaqstan» ekologiialyq aktsiiasy aiasynda aty ańyzǵa ainalǵan fýtbolshy Kolo Týre men Fadiga Halilý kóshet otyrǵyzdy, dep habarlaidy Dalanews. kz elorda ákimdiginiń resmi saityna silteme jasap.
Búgin elimizge fýtboldan jas órenderdi irikteý maqsatynda «Super bol» jobasyna arnaiy kelgen Kolo Týre men Fadiga Halilý Astana qalasyndaǵy Qazaqstan fýtbol federatsiiasy aýmaǵynda kóshet otyrǵyzý aktsiiasyna qatysty.
«Qazaqstanǵa fýtbol jobasyna arnaiy qonaq retinde birinshi ret keldim. Tek jasyl alańda ǵana emes, qalanyń ekologiiasyn saqtaý maqsatynda uiymdastyrylǵan aktsiiaǵa qatysqanyma óte qýanyshtymyn. Buǵan deiin de kóptegen qalalarda boldym. Al Astananyń ózindik ádemiligi bar. Tazalyǵy bir jolǵa qoiylǵany kórinip tur. Bastysy meni syilap, shaqyrǵandaryńyzǵa qýanyshtymyn!» — dedi kezinde «Arsenal», «Manchester Siti», «Liverpýl» sapynda dop tepken fýtbolshy Kolo Týre.
Aita keteiik, 8 sáýirde bastalǵan «Taza Qazaqstan: Astana – tazalyq pen tártiptiń úlgisi» aktsiiasy aiasynda 29 sáýir ben 4 mamyr aralyǵynda qarttar úii, ardagerler, qyzmet barysynda qaza tapqan quqyq qorǵaý organdary qyzmetkerleriniń otbasy turatyn úiler aýmaǵyn abattandyrýǵa baǵyttalǵan «Ónegeli urpaq» taqyryptyq aptalyǵymen jalǵasyp jatyr.
Biyl Astanada barlyǵy 1,1 million jasyl jelek otyrǵyzý josparlanyp otyr. Úsh aptada qalada 74 myńnan astam kóshet otyrǵyzyldy.
Esterińizge sala keteiik, 3 aptadan beri elordada «Taza Qazaqstan: Astana – tazalyq pen tártiptiń úlgisi» ekoaktsiiasy ótip jatyr. Keń kólemdi ekologiialyq naýqan aiasynda qalany, nóser jáne sýarý júielerin sanitarlyq tazalaý, kóshelerdi, trotýarlardy, kvartalishilik aýmaqtardy, qoǵamdyq oryndar men aýlalardy tazalaý júrgizilýde. Sondai-aq jasyl jelekterdi kútip-baptaý jáne otyrǵyzý, saýda nysandaryna jaqyn aýmaqtardy tazalaý, kógaldar men gúlzarlardy tazalaý, ruqsat etilmegen qoqystardy joiý jáne t.b. júrgiziledi.
