Astanada Aqnár Hamittiń anasyn politsiia ustap áketken, dep habarlaidy Dalanews.kz.
Bul týraly zańger Inga Imanbai áleýmettik jelidegi paraqshasynda málimdedi.
"Qaitys bolǵan jastardyń - Sana Merlannyń, Aqanova Ádeldiń jáne Aqnar Gúlstannyń analary Prezident Ákimshiliginiń keńsesi (kantseliariiasy) ǵimaratynyń aldynda politsiia qyzmetkerleri tarapynan ustaldy. Analar Qasym-Jomart Toqaevtyń atyna ujymdyq ótinish tapsyrý úshin barǵan. Ótinishtiń maqsaty - balalarynyń ólimine qatysty qylmystyq isterdiń obektivti, táýelsiz jáne tolyq tergelýin talap etý. Alaida olar ǵimaratqa kirip úlgermegen. Ótinish qabyldanbaǵan. Analardy politsiia belgisiz baǵytqa alyp ketken", - dedi ol.
Zańgerdiń sózinshe, qazir olardyń naqty qai politsiia bóliminde ekeni belgisiz.
Aita keteiik, 2024 jyly 22 jastaǵy Aqnár Hamit Almatydaǵy turǵyn úi kesheniniń jetinshi qabatynan qulap mert bolǵan.
Eske salaiyq, buǵan deiin Aqnár Hamittiń anasy qyzynyń qazasyna qatysty isti Astanaǵa berýdi talap etti.
