Astanada balalar lagerinde qorshaǵan ortany qorǵaýǵa jáne tabiǵatqa degen qurmetti qalyptastyrýǵa arnalǵan ekologiialyq is-sharasy uiymdastyryldy, dep habarlaidy dalanews.kz.
Bul jolǵy is-shara Áskeri-sporttyq lagerinde ótkizildi. Oǵan áskeri salanyń ókilderi, muǵalimder, oqýshylary qatysty.
Basty maqsaty – jasóspirimderdi oishyldyq patriottyq baǵytqa tárbieleý. Sonymen qatar óskeleń urpaqty alǵashqy áskeri daiyndyq sharalaryna baýlyp, otansúigishtik sezimderin arttyrý kózdelgen. Atalǵan patriottyq sharanyń mán-mańyzy týraly Astana qalasy ákimdiginiń «Órken» balalar men jasóspirimder dene tárbiesi ortalyǵynyń direktory Ǵinaiat Syzdyqov oi-pikir bildirdi.
«Búgingi is-shara balalardyń ekologiialyq mádenietin qalyptastyrýǵa jáne qorshaǵan ortaǵa uqypty qaraý daǵdylaryn tárbieleýge baǵyttaldy. Kezdesý barysynda qatysýshylar tabiǵi resýrstardy saqtaýdyń mańyzdylyǵy, ekologiialyq minez-qulyq qaǵidalary jáne ár adamnyń tabiǵatty qorǵaýǵa qalai úles qosa alatyny týraly bildi. Is-sharaǵa alǵashqy áskeri daiyndyq pániniń muǵalimderi men oqýshylar belsendi qatysty. Bizdiń lager 1 maýsymnan bastap jumysyn bastady. Munda ártúrli sanattaǵy otbasylardan shyqqan balalar, jalpy kez kelgen bala kelip qatysa alady, – dedi ol.
Sonymen qatar, Astana qalasy Bilim basqarmasynyń alǵashqy áskeri daiyndyq pániniń ádiskeri Qairat Nurahmetuly da oi bólisti.
«Belgilengen tizim boiynsha Nura aýdanynyń mektepteri «Aibyndy maýsym» jazǵy lageri ótkizildi. Bul is-shara arqyly balalardy Otan qorǵaýǵa úiretý, týǵan elge-jerge degen súiispenshilikti arttyrý kózdeldi. Kúnniń ystyq-sýyǵyna qaramai Otandy qorǵaý árqashan mańyzdy. Mine, osyndai igi qasietterdi balalardyń boiyna darytý, tózimdilikke úiretý, otanshyldyq rýhty kóterý maqsat etiledi», – dedi ádisker.
