Astana turǵyndary qazaqtyń uly aqyny ári aǵartýshysy Abai Qunanbaiulynyń 180 jyldyǵyna orai aýqymdy chellendj bastady,- dep habarlaidy Dalanews.kz
Bul mádeni aktsiia áleýmettik jelilerde keńinen tarap jatyr: qala turǵyndary, ártister, sportshylar, oqýshylar, jastar belsendileri men túrli maman ieleri Abai shyǵarmalaryn oqyp, videolar jariialap, estafetany ózgelerge joldaýda. Video jazbalar #Abai180jyl jáne #Abai180 heshtegterimen jariialanyp, jalpyhalyqtyq qozǵalysqa ainalyp keledi.
«Bul – jai ǵana chellendj emes, naǵyz mádeni estafeta. Biz Abaidyń mereitoiymen quttyqtap qana qoimai, onyń mol murasyn tereńirek uǵynýǵa jurtty qyzyqtyra túskimiz keledi», – deidi qatysýshylar.
Olar Abaidyń óleńderin, «Qara sózderinen» úzindiler oqyp, aqynnyń filosofiiasyna degen jeke kózqarastaryn bildirip, basqalardy da fleshmobqa qosylýǵa shaqyrýda.
Elorda turǵyndary uly oishyldyń mereitoiy ulttyq qundylyqtarymyz ben tarihymyzdy eske alýǵa berilgen múmkindik ekenin atap ótti.
Aita keteiik, 10 tamyz – uly qazaq aqyny, aǵartýshy jáne filosof Abai Qunanbaiulynyń týǵan kúni. Astanada 180 jyldyq mereitoiǵa arnalǵan aýqymdy is-sharalar jyl basynan bastaý alǵan. Qaladaǵy bilim, mádeniet, sport jáne ózge de salalar boiynsha 140-tan astam túrli is-shara ótkizilip jatyr.
