Elimizde 10 tamyzda qazaqtyń aqyny, aǵartýshysy, filosof Abai Qunanbaiulynyń týǵan kúni atap ótiledi. Astanada uly oishyl, kemeńger aqyn Abai Qunanbaiulynyń 180 jyldyǵyna arnalǵan aýqymdy sharalar jyl basynan bastaý aldy. Qalanyń bilim berý, mádeniet, meditsina jáne basqa da salalaryndaǵy mekemelerde búginge deiin 140-tan astam túrli is-shara ótýde,- dep habarlaidy Dalanews.kz
10 tamyz – Abai kúnine orai elordada birqatar mańyzdy mádeni jáne rýhani sharalar ótedi. Mereke kúni tańerteń Abai eskertkishine gúl shoqtaryn qoiý rásimimen bastalady. Osy kúni «Nurly Jol» býlvarynda dombyra únimen kómkerilgen «Dombyra party» ótedi, onda Abaidyń ásem ánderi oryndalady.
Ataýly mereke aiasynda 5000 oqýshy Abai ánderin birge oryndaidy. Sonymen qatar, Sáken Seifýllin mýzeiinde jáne basqa da mádeni nysandarda «Abai álemi» atty foto-kórmeler ashylady.
Qalanyń kitaphanalarynda, áleýmettik mekemeler men mádeni ortalyqtarynda Abai shyǵarmashylyǵyna arnalǵan ashyq sabaqtar, mánerlep oqý baiqaýlary, dóńgelek ústelder men poeziia keshteri uiymdastyrylady. Sondai-aq, áleýmettik jelilerde #AbaidyOqyJalyqpa chellendji bastaý alady.
«ALJIR» memorialdy-murajai kesheninde «Abai Qunanbaiulynyń qýǵyn-súrginge ushyraǵan týystary men urpaqtary» atty arnaiy kórme ashylady. Al kózi kórmeitin jáne nashar kóretin azamattarǵa arnalǵan kitaphanada «Abai dara – Abai dana» atty ádebi globýs uiymdastyrylady. Astana qalasy ákimdiginiń janyndaǵy «Qoǵamdyq kelisim» mekemesinde «Abai danalyǵy» atty dóńgelek ústel ótedi. Sondai-aq, «Astana» ÁKK» AQ konferents-zalynda «Uly Abaidyń 45 qara sózi» atty talqylaý otyrysy ótip, qatysýshylar Abai murasynyń zamanaýi mán-mańyzyn talqylaidy.
Astana qalasynyń Á. Mámbetov kóshesi, 24 mekenjaiynda «Óleń – sózdiń patshasy, sóz sarasy» atty Abai óleńderin jatqa oqý konkýrsy uiymdastyrylady. Almaty aýdany boiynsha áleýmettik qyzmet kórsetý bóliminde «Óleń sózdiń patshasy, sóz sarasy» atty Abai óleńderin jatqa oqý saiysy ótedi.
Elordalyq Baiqońyr aýdanynda 5 tamyz kúni Qalamgerler alleiasynda «Shyn hakim, sóziń asyl – baǵa jetpes…» atty ádebi-poetikalyq kesh ótedi. Is-shara aiasynda Abai shyǵarmalary oqylyp, oi-tolǵamdarmen bólisý uiymdastyrylady.
7 tamyz kúni Baraev kóshesiniń boiynda «Abai óleńderinen ashyq mikrofon» ótedi. Qala turǵyndary men jastar aqyn óleńderin erkin formatta oqyp, rýhani muramen jaqynyraq tanysa alady.
8 tamyz kúni Ustazdar saiabaǵynda eki birdei mazmundy is-shara josparlanǵan. Aldymen «Abai – ult rýhy» atty fleshmob ótedi. Qatysýshylar alańda birlesip ABAI degen jazýdy quryp, aqyn rýhyna taǵzym bildiredi. Odan keiin dál sol jerde ashyq poetikalyq kesh uiymdastyrylady. Qatysýshylar Abai óleńderin, qara sózderin oqyp, onyń rýhani murasyn keńinen nasihattaidy.
«Almaty» aýdany ákimdiginiń uiymdastyrýymen 7 tamyzynda Aqbulaq ózininiń jaǵalaýyndaǵy Pýshkin Alleiasynda «Abai murasy – ulttyń qazynasy» atty ádebi kesh ótkiziledi.
Esil aýdany boiynsha 8 tamyz kúni Ulttyq akademiialyq kitaphanasynda «Abai murasyna jańasha kózqaras» atty halyqaralyq ǵylymi-praktikalyq konferentsiia ótedi. Sonymen qatar, osy kúni Abai óleńderin oqityn qala turǵyndarynyń qatysýymen kóshe túsirilimderi júrgiziledi.
Nura aýdany boiynsha áleýmettik qyzmet kórsetý bóliminde «Abai sózi – urpaqqa ónege» atty poeziia keshi, ótse «Saryarqa» aýdany boiynsha áleýmettik qyzmet kórsetý bóliminde «Óleń sózdiń patshasy, sóz sarasy» atty óleńderiniń chellendji ótedi.
9 tamyz kúni Kenesary eskertkishi janynda «Abai Open Mic» atty ashyq poetikalyq alań uiymdastyrylyp, jas aqyndar Abaiǵa arnalǵan jyrlaryn oqydy. Esil ózeniniń jaǵalaýyndaǵy Arbatta «Aqyl, qairat, júrekti birdei usta...» atty keshte halyqpen birge Abai Qunanbaevtyń qara sózderine arnalǵan blits-saýalnama ótkiziledi.
10 tamyz kúni saǵat 17:00-de Erkeǵali Rahmadiev atyndaǵy Memlekettik akademiialyq filarmoniiada Qazaqstannyń eńbek sińirgen qairatkeri Azamat Jyltyrkózovtyń qatysýymen «Abai álemi» atty merekelik kontsert ótedi.
Abaidyń rýhani murasyn ulyqtaýǵa baǵyttalǵan bul aýqymdy bastamalar elordalyq turǵyndarǵa uly aqynnyń shyǵarmashylyǵyn jańasha qyrynan tanyp, ulttyq bolmysty tereńirek sezinýge jol ashady.
