Astanada 8 naýryz merekesine orai birqatar mádeni is-shara ótkizý josparlanyp otyr,- dep habarlaidy Dalanews.kz elorda ákimdiginiń resmi saityna silteme jasap.
6 naýryz kúni saǵat 11:00-de Zaǵip jáne nashar kóretin azamattarǵa arnalǵan mamandandyrylǵan kitaphanada «Anamnyń aialy alaqany» ádebi keshin uiymdastyrady.
Bul kúni aýdan ákimdikterinde kópbalaly analar arasynda «Altyn alqa» jáne «Kúmis alqa» tósbelgilerin tabystaý saltanaty ótedi.
Qazaq ulttyq horeografiia akademiiasynda da bul kúni merekelik kontsert uiymdastyrý josparlanyp otyr.
6 naýryz kúni saǵat 19:00-de M. Gorkii atyndaǵy Memlekettik akademiialyq orys drama teatry jáne Ulttyq ulan birlesip kórermen nazaryna «Áliia» qoiylymyn usynady.
Dál osy kúni saǵat 19:00-de «Jastar» Saraiynda «Áielderge taǵzym» atty halyqaralyq áielder kúnine orai merekelik kontsert ótedi.
7-8 naýryz aralyǵynda Saraishyq aýdanynda kommýnaldyq qyzmet mamandaryna qyzǵaldaq taratý is-sharasy ótedi.
6-8 naýryz kúnderi Baiqońyr aýdanynyń ákimi tyl eńbekkerlerin arnaiy úiine baryp, Halyqaralyq áielder kúnimen quttyqtaidy.
7 naýryz kúni qala kóshelerinde elordanyń názik jandylaryna qyzǵaldaq taratý is-sharasy uiymdastyrylady.
«ALJIR» memorialdy-murajai kesheninde 7-8 naýryz kúnderi saǵat 10:00-18:00 aralyǵynda «Ana – ómirdiń gúli» kórmesi ótedi.
Á.Mámbetov atyndaǵy memlekettik drama jáne komediia teatry 8 naýryz kúni saǵat 19:00-de «Kelinder kóterilisi» jáne 9 naýryz saǵat 19:00-de «Kúshik kúieý» komediialaryn usynady.
Al Qýyrshaq teatry 7 naýryz saǵat 12:00-de jáne 16:00-de, 8-9 naýryz saǵat 12:00-de jáne 16:30-da «Maýgli» ertegisiniń qoiylymyn usynady.
Sol siiaqty Mýzykalyq jas kórermen teatry 8 naýryzda saǵat 18.00-de «Teatr álemi» merekelik qoiylymyn usynady. Sonymen qatar, M. Gorkii atyndaǵy Memlekettik akademiialyq orys drama teatry mereke kúni 18:00-ge «Brak po-italianski» qoiylymyn ázirlep otyr.
8 naýryzda «Qazaqstan» ortalyq kontsert zalynda merekelik kontsert, «Jastar» teatrynda «Janarymdaǵy jalǵyz áýen» teatrlandyrylǵan kontserttik baǵdarlama ótedi.
9 naýryz kúni saǵat 17:00-de E.Rahmadiev atyndaǵy Memlekettik akademiialyq filarmoniiasynyń kameralyq zalynda qazaq orkestriniń ártisi, symqobyzshy, mádeniet salasynyń úzdigi Botagóz Táshimovanyń «Asyl qazyna» atty jeke kontserti ótedi.
