استانادا 8 ناۋرىز مەرەكەسىنە وراي ءبىرقاتار مادەني ءىس-شارا وتكىزۋ جوسپارلانىپ وتىر،- دەپ حابارلايدى Dalanews.kz ەلوردا اكىمدىگىنىڭ رەسمي سايتىنا سىلتەمە جاساپ.
6 ناۋرىز كۇنى ساعات 11:00-دە زاعيپ جانە ناشار كورەتىن ازاماتتارعا ارنالعان مامانداندىرىلعان كىتاپحانادا «انامنىڭ ايالى الاقانى» ادەبي كەشىن ۇيىمداستىرادى.
بۇل كۇنى اۋدان اكىمدىكتەرىندە كوپبالالى انالار اراسىندا «التىن القا» جانە «كۇمىس القا» توسبەلگىلەرىن تابىستاۋ سالتاناتى وتەدى.
قازاق ۇلتتىق حورەوگرافيا اكادەمياسىندا دا بۇل كۇنى مەرەكەلىك كونسەرت ۇيىمداستىرۋ جوسپارلانىپ وتىر.
6 ناۋرىز كۇنى ساعات 19:00-دە م. گوركيي اتىنداعى مەملەكەتتىك اكادەميالىق ورىس دراما تەاترى جانە ۇلتتىق ۇلان بىرلەسىپ كورەرمەن نازارىنا «ءاليا» قويىلىمىن ۇسىنادى.
ءدال وسى كۇنى ساعات 19:00-دە «جاستار» سارايىندا «ايەلدەرگە تاعزىم» اتتى حالىقارالىق ايەلدەر كۇنىنە وراي مەرەكەلىك كونسەرت وتەدى.
7-8 ناۋرىز ارالىعىندا سارايشىق اۋدانىندا كوممۋنالدىق قىزمەت ماماندارىنا قىزعالداق تاراتۋ ءىس-شاراسى وتەدى.
6-8 ناۋرىز كۇندەرى بايقوڭىر اۋدانىنىڭ اكىمى تىل ەڭبەككەرلەرىن ارنايى ۇيىنە بارىپ، حالىقارالىق ايەلدەر كۇنىمەن قۇتتىقتايدى.
7 ناۋرىز كۇنى قالا كوشەلەرىندە ەلوردانىڭ نازىك جاندىلارىنا قىزعالداق تاراتۋ ءىس-شاراسى ۇيىمداستىرىلادى.
«الجير» مەموريالدى-مۇراجاي كەشەنىندە 7-8 ناۋرىز كۇندەرى ساعات 10:00-18:00 ارالىعىندا «انا – ءومىردىڭ گ ۇلى» كورمەسى وتەدى.
ءا.مامبەتوۆ اتىنداعى مەملەكەتتىك دراما جانە كومەديا تەاترى 8 ناۋرىز كۇنى ساعات 19:00-دە «كەلىندەر كوتەرىلىسى» جانە 9 ناۋرىز ساعات 19:00-دە «كۇشىك كۇيەۋ» كومەديالارىن ۇسىنادى.
ال قۋىرشاق تەاترى 7 ناۋرىز ساعات 12:00-دە جانە 16:00-دە، 8-9 ناۋرىز ساعات 12:00-دە جانە 16:30-دا «ماۋگلي» ەرتەگىسىنىڭ قويىلىمىن ۇسىنادى.
سول سياقتى مۋزىكالىق جاس كورەرمەن تەاترى 8 ناۋرىزدا ساعات 18.00-دە «تەاتر الەمى» مەرەكەلىك قويىلىمىن ۇسىنادى. سونىمەن قاتار، م. گوركيي اتىنداعى مەملەكەتتىك اكادەميالىق ورىس دراما تەاترى مەرەكە كۇنى 18:00-گە «براك پو-يتاليانسكي» قويىلىمىن ازىرلەپ وتىر.
8 ناۋرىزدا «قازاقستان» ورتالىق كونسەرت زالىندا مەرەكەلىك كونسەرت، «جاستار» تەاترىندا «جانارىمداعى جالعىز اۋەن» تەاترلاندىرىلعان كونسەرتتىك باعدارلاما وتەدى.
9 ناۋرىز كۇنى ساعات 17:00-دە ە.راحمادييەۆ اتىنداعى مەملەكەتتىك اكادەميالىق فيلارمونياسىنىڭ كامەرالىق زالىندا قازاق وركەسترىنىڭ ءارتىسى، سىمقوبىزشى، مادەنيەت سالاسىنىڭ ۇزدىگى بوتاگوز ءتاشىموۆانىڭ «اسىل قازىنا» اتتى جەكە كونسەرتى وتەدى.
