Astana turǵyny buryn kólik quralyn basqarý quqyǵynan 7 jylǵa aiyrylǵanyna qaramastan, mas kúiinde qaitadan rýlge otyryp, jól- kólik oqiǵasyn jasaǵan dep habarlaidy Dalanews.kz. qala prokýratýrasyna silteme jasap.
Belgili bolǵandai, sottalǵan adam Hyundai Starex avtokóligin basqaryp kele jatyp, Astana- Qaraǵandy trassasy men A- 105 kóshesiniń qiylysynda rólge ie bola almai, Lada Priora avtokóligimen soqtyǵysqan.
Jol- kólik oqiǵasy saldarynan jábirlenýshige 700 myń teńgeden astam materialdyq ziian keltirilgen.
Sot úkimimen júrgizýshi Qylmystyq kodekstiń 346- babynyń 2- bóligi boiynsha kináli dep tanylyp, 4 jylǵa bas bostandyǵynan aiyryldy jáne ómir boiyna kólik quralyn basqarý quqyǵynan aiyryldy.
Materialdyq shyǵyn óndirý týraly sheshim shyǵaryldy.
-Astana qalasynyń prokýratýrasy eske salady: kólik quralyn basqarý quqyǵynan aiyrylǵan jáne alkogoldik, esirtkilik jáne (nemese) ýytqumarlyq masań kúidegi adamnyń kólik quralyn basqarýy, sondai- aq mundai adamǵa kólikti basqarýǵa berý nemese ony kólik júrgizýge jol berý- 10 jylǵa deiin bas bostandyǵynan aiyrýdy jáne belgili bir laýazymdardy atqarý nemese belgili bir qyzmet túrimen ainalysý quqyǵynan ómir boiyna aiyrýdy kózdeitin qylmystyq jaýapkershilikke ákep soǵady,- delingen habarlamada.
