Astanada birneshe kúnnen beri qar jaýyp tur. Joldar, trotýarlar men alańdar úzdiksiz rejimde qar men muzdan tazartylady. Qalanyń kommýnaldyq qyzmetteri táýlik boiy jumys isteidi,- dep habarlaidy Dalanews.kz elorda ákimdiginiń resmi saityna silteme jasap.
6 naýryzda kúndizgi aýysymda elordada qar tazalaý jumysyna 2 500-den astam jol jumysshysy men 1 385 birlik arnaiy tehnika jumyldyryldy.
6 naýryzǵa qaraǵan túni kommýnaldyq qyzmetter qaladan 20 317 tekshe metr qardy 1 499 aýyr reispen alyp shyqty.
Qys mezgiliniń basynan bastap poligondarǵa 6,8 mln tekshe metrden astam qar 548 590 aýyr júk reisimen shyǵaryldy.
Eń aldymen, erejege sáikes, joldarda keptelis bolmas úshin qozǵalysy óte qarqyndy oryndar tazartylady. Sondai-aq, qarqyndylyǵy ortasha ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. tazartylady.
Ortalyq kóshelerdi, jolaýshylar kóligi marshrýttary júretin oryndardy, aialdamalar men trotýarlarda tazalaý da basymdyqqa ie.
Qalada birneshe jabdyqtalǵan qar poligony bar. Olar samosval tehnikasynyń nómirlik belgilerin oqý júiesimen jabdyqtalǵan, munda beinebaqylaý kameralary ornatylyp, jaryqtandyrý qosylǵan.
Elorda turǵyndary men qonaqtarynan joldarda abai bolýdy, qaýipsizdik erejelerin saqtaýdy, daýyldy eskertý bolǵan jaǵdaida alys saparlarǵa shyqpaýdy suraimyz.
Tótenshe jaǵdai týyndaǵan kezde «112» nómirine habarlasyńyz.
