Astanada 2,1 mlrd teńgeni jymqyrǵan qurylys kompanıasynyń basshysy jeti jylǵa sottaldy, dep habarlaıdy Dalanews.kz.

Elorda prokýratýrasynyń málimetinshe, qurylys kompanıasynyń qyzmetinde turǵyn úı kesheniniń qurylysyn aıaqtaýǵa bólgen memleket búdjetin jymqyrý derekteri anyqtalǵan. Keltirilgen zalal kólemi 2,1 mlrd teńgeni quraǵan. Sotqa deıingi tergeý barysynda onyń 412 mln teńgesi memleket menshigine qaıtarylǵan.

Sot úkimimen aıyptalýshy asa iri kólemdegi alaıaqtyq jasaǵany úshin 6 jyl 8 aıǵa bas bostandyǵynan aıyryldy. Sonymen qatar oǵan 10 jyl boıy kópqabatty turǵyn úıler qurylysyna qatysty komersıalyq uıymdarda basshylyq qyzmet atqarýǵa tyıym salyndy.

Sot materıaldyq shyǵyndy da óndirý týraly sheshim shyǵardy. Úkim zańdy kúshine endi.