استانادا 2,1 ملرد تەڭگەنٸ جىمقىرعان قۇرىلىس كومپانيياسىنىڭ باسشىسى جەتٸ جىلعا سوتتالدى, دەپ حابارلايدى Dalanews.kz.
ەلوردا پروكۋراتۋراسىنىڭ مەلٸمەتٸنشە, قۇرىلىس كومپانيياسىنىڭ قىزمەتٸندە تۇرعىن ٷي كەشەنٸنٸڭ قۇرىلىسىن اياقتاۋعا بٶلگەن مەملەكەت بيۋدجەتٸن جىمقىرۋ دەرەكتەرٸ انىقتالعان. كەلتٸرٸلگەن زالال كٶلەمٸ 2,1 ملرد تەڭگەنٸ قۇراعان. سوتقا دەيٸنگٸ تەرگەۋ بارىسىندا ونىڭ 412 ملن تەڭگەسٸ مەملەكەت مەنشٸگٸنە قايتارىلعان.
سوت ٷكٸمٸمەن ايىپتالۋشى اسا ٸرٸ كٶلەمدەگٸ الاياقتىق جاساعانى ٷشٸن 6 جىل 8 ايعا باس بوستاندىعىنان ايىرىلدى. سونىمەن قاتار وعان 10 جىل بويى كٶپقاباتتى تۇرعىن ٷيلەر قۇرىلىسىنا قاتىستى كوممەرتسييالىق ۇيىمداردا باسشىلىق قىزمەت اتقارۋعا تىيىم سالىندى.
سوت ماتەريالدىق شىعىندى دا ٶندٸرۋ تۋرالى شەشٸم شىعاردى. ٷكٸم زاڭدى كٷشٸنە ەندٸ.
