Astanada biyl kóktemde politsiia qyzmetkerleri esirtkini saqtaý jáne taratý kúdigimen 15 jastaǵy mektep oqýshysyn ustady. Bul týraly elorda Politsiia departamenti bastyǵynyń birinshi orynbasary Ábil Ábildin málimdedi, dep habarlaidy dalanews.kz.
Onyń aitýynsha, jasóspirimnen 70-ten astam esirtki dozasy tárkilengen. Tergeý málimetinshe, ol olardy arnaiy jasyryn oryndarǵa (zakladka) qaldyryp otyrǵan. Ábil Ábildin bul jaǵdaidyń politsiia úshin jetistik emes, qoǵam úshin úlken másele ekenin aitty.
«Bul – biz úshin, men úshin, politsiia qyzmetkerleri úshin qýanatyn jaǵdai emes. Bul – bárimiz úshin úlken problema. Qoǵamǵa da, quqyq qorǵaý organdaryna da, muǵalimderge de, psihologtarǵa da úlken syn», – dedi ol.
Politsiia ókiliniń sózinshe, oqýshy qyz buǵan deiin esirtkiniń ziiany týraly túsindirý jumystaryna qatysqan. Alaida bul onyń esirtki ortasyna tartylýyna tosqaýyl bola almaǵan.
«Ol esirtkiniń barlyq saldaryn biletindei edi. Sonda da nege bulai istedi? Azǵyrýǵa erdi me? Ash júrgen joq qoi. Menińshe, másele onyń aralasqan ortasynda. Qandai ortaǵa tústi, ómiriniń baǵyty da solai teris arnaǵa buryldy», – dedi Ábil Ábildin.
Sondai-aq ol oqýshynyń synyptastary bul jaǵdaiǵa beijai qarap, odan alshaqtai túskenin jetkizdi.
