استانادا بيىل كٶكتەمدە پوليتسييا قىزمەتكەرلەرٸ ەسٸرتكٸنٸ ساقتاۋ جەنە تاراتۋ كٷدٸگٸمەن 15 جاستاعى مەكتەپ وقۋشىسىن ۇستادى. بۇل تۋرالى ەلوردا پوليتسييا دەپارتامەنتٸ باستىعىنىڭ بٸرٸنشٸ ورىنباسارى ەبٸل ەبٸلدين مەلٸمدەدٸ, دەپ حابارلايدى dalanews.kz.
ونىڭ ايتۋىنشا, جاسٶسپٸرٸمنەن 70-تەن استام ەسٸرتكٸ دوزاسى تەركٸلەنگەن. تەرگەۋ مەلٸمەتٸنشە, ول ولاردى ارنايى جاسىرىن ورىندارعا (زاكلادكا) قالدىرىپ وتىرعان. ەبٸل ەبٸلدين بۇل جاعدايدىڭ پوليتسييا ٷشٸن جەتٸستٸك ەمەس, قوعام ٷشٸن ٷلكەن مەسەلە ەكەنٸن ايتتى.
«بۇل – بٸز ٷشٸن, مەن ٷشٸن, پوليتسييا قىزمەتكەرلەرٸ ٷشٸن قۋاناتىن جاعداي ەمەس. بۇل – بەرٸمٸز ٷشٸن ٷلكەن پروبلەما. قوعامعا دا, قۇقىق قورعاۋ ورگاندارىنا دا, مۇعالٸمدەرگە دە, پسيحولوگتارعا دا ٷلكەن سىن», – دەدٸ ول.
پوليتسييا ٶكٸلٸنٸڭ سٶزٸنشە, وقۋشى قىز بۇعان دەيٸن ەسٸرتكٸنٸڭ زييانى تۋرالى تٷسٸندٸرۋ جۇمىستارىنا قاتىسقان. الايدا بۇل ونىڭ ەسٸرتكٸ ورتاسىنا تارتىلۋىنا توسقاۋىل بولا الماعان.
«ول ەسٸرتكٸنٸڭ بارلىق سالدارىن بٸلەتٸندەي ەدٸ. سوندا دا نەگە بۇلاي ٸستەدٸ? ازعىرۋعا ەردٸ مە? اش جٷرگەن جوق قوي. مەنٸڭشە, مەسەلە ونىڭ ارالاسقان ورتاسىندا. قانداي ورتاعا تٷستٸ, ٶمٸرٸنٸڭ باعىتى دا سولاي تەرٸس ارناعا بۇرىلدى», – دەدٸ ەبٸل ەبٸلدين.
سونداي-اق ول وقۋشىنىڭ سىنىپتاستارى بۇل جاعدايعا بەيجاي قاراپ, ودان الشاقتاي تٷسكەنٸن جەتكٸزدٸ.
