Astana qalasynyń ákimi Jeńis Qasymbek Instagram-paraqshasynda elordanyń ekonomikasyna tartylyp jatqan investitsiialar týraly jazba jariialady,- dep habarlaidy Dalanews.kz
Ákimniń aitýynsha, 2024 jyly Astana ekonomikasyna shamamen 2 trillion teńge investitsiia tartylǵan. Bul kórsetkish 2023 jylmen salystyrǵanda edáýir joǵary.
«Elordanyń damýyna jeke investitsiia tartý jumysy jalǵasyp jatyr. Bul tek ekonomikalyq ósimdi ǵana emes, jańa jumys oryndarynyń qurylýyn da qamtamasyz etedi», – dep atap ótti qala basshysy.
Investitsiialyq shtabtyń otyrysynda 100 mlrd teńge kólemindegi birqatar jańa jobalar usynylǵan. Atap aitqanda:
-
kópfýnktsionaldy logistikalyq bólý kesheni;
-
sharýashylyq dúkender jelisi;
-
taý-ken metallýrgiia salasyna arnalǵan zerthanalyq keshen;
-
jaryqtandyrý baǵanalaryn óndiretin zaýyt;
-
geohimiialyq zerthana.
Jobalar júzege asqan jaǵdaida shamamen 3 myń jańa jumys orny ashylady.
Jeńis Qasymbek jaýapty basqarmalarǵa investorlarmen tyǵyz bailanysta jumys isteýdi jáne tolyq qoldaý kórsetýdi tapsyrǵanyn aitty.
