Astanada 1 mamyr kúni «Birlik júgirisi 2025» respýblikalyq jarysy ótedi. Is-sharany ótkizý kezinde kóshelerdiń bir bóligi jabylady,- dep habarlaidy Dalanews.kz
Jarystyń bastalýy EXPO mańynda ótedi. Is-sharany ótkizý kezinde Túrkistan men Aqmeshit kósheleriniń ýchaskelerindegi qozǵalys myna keste boiynsha jabylady:
30 sáýir kúni keshki saǵat 20:00-den bastap Túrkistan kóshesinde EXPO janynda arka ornatý úshin;
1 mamyr kúni saǵat 6:45-ten 10:00-ge deiin Aqmeshit, Túrkistan kósheleri EXPO-dan «Báiterek» monýmentine deiingi aralyqta.
«Birlik júgirisi 2025» respýblikalyq jarysy Qazaqstan halqy assambleiasynyń 30 jyldyǵyna arnalǵan jáne «Birligimizge 30 jyl – Assambleiaǵa 30 jyl» uranymen ótedi.
Jarystyń maqsaty – Qazaqstannyń barlyq etnosyn deni saý jáne uiymshyldyqqa degen birtutas umtylysqa biriktirý. Is-sharaǵa eresekter de, balalar da shaqyrylady.
Júgirý qashyqtyǵy:
- 1 km – balalar men inkliýzivti júgirý;
- 5 km – skandinaviialyq júris;
- 5 km – jappai qoldaý júgirý is-sharasy;
- 10 km jáne 21,1 km – sertifikattalǵan trassalar (jas boiynsha sanattar);
- 30 km – komandalyq estafeta (6×5 km, komandada keminde bir áiel).
Qatysýshylardyń jinalýy 1 mamyr kúni tańǵy saǵat 05:30-da bastalady. Tańǵy 7-den bastap júgirý bastalady. Is-shara sońynda qonaqtar júldeler utysyn kútedi.
