استانادا 1 مامىر كۇنى «بىرلىك جۇگىرىسى 2025» رەسپۋبليكالىق جارىسى وتەدى. ءىس-شارانى وتكىزۋ كەزىندە كوشەلەردىڭ ءبىر بولىگى جابىلادى،- دەپ حابارلايدى Dalanews.kz
جارىستىڭ باستالۋى EXPO ماڭىندا وتەدى. ءىس-شارانى وتكىزۋ كەزىندە تۇركىستان مەن اقمەشىت كوشەلەرىنىڭ ۋچاسكەلەرىندەگى قوزعالىس مىنا كەستە بويىنشا جابىلادى:
30 ءساۋىر كۇنى كەشكى ساعات 20:00-دەن باستاپ تۇركىستان كوشەسىندە EXPO جانىندا اركا ورناتۋ ءۇشىن؛
1 مامىر كۇنى ساعات 6:45-تەن 10:00-گە دەيىن اقمەشىت، تۇركىستان كوشەلەرى EXPO-دان «بايتەرەك» مونۋمەنتىنە دەيىنگى ارالىقتا.
«بىرلىك جۇگىرىسى 2025» رەسپۋبليكالىق جارىسى قازاقستان حالقى اسسامبلەياسىنىڭ 30 جىلدىعىنا ارنالعان جانە «بىرلىگىمىزگە 30 جىل – اسسامبلەياعا 30 جىل» ۇرانىمەن وتەدى.
جارىستىڭ ماقساتى – قازاقستاننىڭ بارلىق ەتنوسىن دەنى ساۋ جانە ۇيىمشىلدىققا دەگەن ءبىرتۇتاس ۇمتىلىسقا بىرىكتىرۋ. ءىس-شاراعا ەرەسەكتەر دە، بالالار دا شاقىرىلادى.
جۇگىرۋ قاشىقتىعى:
- 1 كم – بالالار مەن ينكليۋزيۆتى جۇگىرۋ؛
- 5 كم – سكانديناۆيالىق ءجۇرىس؛
- 5 كم – جاپپاي قولداۋ جۇگىرۋ ءىس-شاراسى؛
- 10 كم جانە 21،1 كم – سەرتيفيكاتتالعان تراسسالار (جاس بويىنشا ساناتتار)؛
- 30 كم – كوماندالىق ەستافەتا (6×5 كم، كوماندادا كەمىندە ءبىر ايەل).
قاتىسۋشىلاردىڭ جينالۋى 1 مامىر كۇنى تاڭعى ساعات 05:30-دا باستالادى. تاڭعى 7-دەن باستاپ جۇگىرۋ باستالادى. ءىس-شارا سوڭىندا قوناقتار جۇلدەلەر ۇتىسىن كۇتەدى.
