Astana turǵyndary birneshe jyldan beri qalanyń Promyshlennyi turǵyn alabynda ornalasqan silikat zaýytyna qarsy kúresip keledi. Olardyń aitýynsha, óndiris oshaǵynyń ziiandy qaldyqtary aýany lastap, tynys alý aýrýlarynyń kóbeiýine sebep bolyp otyr,dep habarlaidy Dalanews.kz Orda.kz-ke silteme jasap.
Zaýyt 2014 jyly iske qosylǵan. Sodan beri ol aýany shań men gaz tárizdi qaldyqtarmen lastap kelgen. Turǵyndardyń aitýynsha, tútin keshki jáne túngi ýaqytta shyǵyp turǵan, al keiingi kezderi kúndiz de baiqalyp jatyr. Osy ýaqyt aralyǵynda 30 myńǵa jýyq adam iiske shaǵymdanyp, astma sekildi aýrýlardyń jiilegenin aitqan. Tipti, zaýytqa jaqyn mańda mektep pen park te ornalasqan.
2022 jyly "Qańtar oqiǵasynan" keiin zaýyt jumysy ýaqytsha toqtap, óndiris ornynda tsehtar plombalanǵan. Astana ákimdigi men Ekologiia ministrligi sot arqyly "Ekobeton" kompaniiasynyń qyzmetin májbúrli túrde toqtatýǵa qol jetkizgen. Kompaniiaǵa ótemaqy tólenip, basqa jer usynylǵanymen, olar kóshýden bas tartqan.
Alaida 2024 jyldyń sońyna qarai turǵyndar zaýyttan taǵy da tútin shyǵyp jatqanyn baiqaǵan.
2025 jyly 13 shildede Promyshlennyi turǵyndary jinalyp, aýdan ákimdigin aýlaǵa shaqyrdy. Kezdesýge politsiia qyzmetkerleri de keldi. Saraishyk aýdany ákiminiń orynbasary Qýanysh Orynbektiń aitýynsha, zaýyt ókilderi Joǵarǵy sottan jeńip shyqqan.
"Biz olardy kóshirýdi usynyp otyrmyz. Biraq zaýyt basshylyǵy kelispei otyr. Olar 18 naýryzda da, 10 shildede de sot otyrysyna kelmedi. 23 shildede taǵy bir tyńdaý ótedi. Bul joly talap-aryzdy Qurylys basqarmasy túsirip otyr", – dedi Orynbek.
Turǵyndar zaýyt ieleriniń zańdy belden basyp, aiyppul tólep qana qutylyp jatqanyn aityp narazy.
"100 myń teńge tólep, ári qarai jumysyn jalǵastyryp jatyr. Bul ádiletsizdik", – dedi jinalǵandardyń biri.
Azamattar zaýyttyń turǵyn úi mańynan kóshirilýin talap etýde.
