Astana qalasy ákimdigine qarasty Energetika basqarmasy Kommýnikatsiialar qyzmetiniń alańynda shahardyń qysqy jylytý maýsymyna daiyndyǵyna qatysty baspasóz málsihatyn ótkizip, jýrnalisterdiń suraqtaryna jaýap berdi, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Jylý energiiasymen qamtamasyz etetin mekemeler Astana qalasynda jylytý maýsymynyń kúzgi-qysqy daiyndyq jumystarynyń bastalyp ketkenin aitqany belgili.
Biyl jazǵy kezeńde jylytý maýsymyna daiyndyq sheńberinde «Astana-Energiia» AQ negizgi jabdyqty jańartý jáne jóndeý boiynsha eleýli jumystar atqarylǵan belgili. Kompaniia ókilderi jóndeý jumystaryna qatysty keńirek aqparat berdi.
Kúrdeli jóndeý jumystary kompaniianyń ártúrli energetikalyq bloktarynda júrgizilgen bolatyn. Atap aitsaq, 5 qazandyq agregaty men 2 týrboagregattana tolyqtai jóndeden ótti. Sondai-aq, biyl energiia jabdyqtary, ǵimarattar men qurylystarǵa aǵymdaǵy jóndeý jumystary júrgizilgen, bul jylytý júiesi jumysynyń qaýipsizdigin qamtamasyz etetini sózszi. Osylaisha «Astana-Energiia» AQ kúrdeli jumystar men negizgi jabdyqtardy jańartýǵa múmkindik aldy.
– 2024-2025 jyldardaǵy qysqy-kúzgi kezeńge daiyndyq aiasynda qarastyrylǵan máselelerdiń biri – daiyndyqtyń birinshi kezeńinde 55 jylý magistrali men taratý jelilerin tyǵyzdyq pen beriktikke tekserý men synaq jumystary boldy. Synaqtan ótken 55 jylý magistrali jalpy jylý magistrali kóleminiń 100%-yn qurap otyr.
Sonymen qatar 14 sorǵy stantsiialarynda jáne 1 jylý pýnktinde jylytý maýsymyna daiyndyq jumystary júrgizilgen. Daiyndyqtyń mańyzdy bóligi 1217,95 metr uzyndyqtaǵy jylý jelilerin aǵymdaǵy jóndeý jáne eksplýatatsiiaǵa berý boldy, – dedi Astana qalasynyń Energetika basqarmasynyń basshysy Nurlan Kópeshov.
Onyń aitýynsha, qazirgi tańda turǵyn úi qoryndaǵy 3 357 úi 98%, densaýlyq saqtaý salasynyń 36 nysany 100%, bilim salasynyń 186 nysany 99%, mádeniet salasynyń 15 nysany 100% jylytý maýsymyna daiyn. 2024-2025 jylǵy qysqy kezeńge arnalǵan jylýdyń jalpy qýaty 4 104 Gkal/saǵ quraidy.
