Qazaqstanda 6 shildede Astana kúni atap ótiledi. Bul merekege oraı elordada dástúrli túrde júzden astam túrli baǵyttaǵy is-shara uıymdastyrylady, - dep habarlaıdy Dalanews.kz

Bıyl elorda turǵyndary men qonaqtary úshin erekshe oqıǵalar, konsertter, shoýlar, qoıylymdar, aksıalar, kórmeler, sporttyq týrnırler jáne basqa da kóptegen sharalar ázirlenip otyr. Bul jóninde qalalyq Komýnıkasıalar qyzmetinde ótken brıfıńte Astana qalasynyń Mádenıet basqarmasynyń basshysy Janabaı Meıirmanqulov pen qalalyq Dene shynyqtyrý jáne sport basqarmasy basshysynyń orynbasary Azamat Aǵzamov aıtyp berdi, dep habarlaıdy elorda ákimdiginiń resmı saıty.

Jaz boıy demalys jáne mereke kúnderi elordalyq saıabaqtarda «Otbasy Time» balalar shyǵarmashylyǵy festıvali ótip jatyr.

30 maýsymda elordada IV Halyqaralyq «Quralaı» qýyrshaq teatrlary festıvali saltanatty sherýimen bastaldy. Festıváldiń maqsaty – halyqaralyq mádenı baılanystardy nyǵaıtý, kásibı sheberlikti damytý jáne qýyrshaq teatry ónerin nasıhattaý. Sharaǵa Anglıa, Aýstrıa, Qytaı, Túrkıa, Grýzıa, Ispanıa, Taıland, Ózbekstan elderi men Qazaqstannyń óńirlerinen teatr ujymdary qatysýda. Festıvál 4 shildege deıin jalǵasady.

30 maýsym men 6 shilde aralyǵynda J.Úshkempirov atyndaǵy Jekpe-jek saraıynda Dúnıejúzilik boks qaýymdastyǵy World Boxing aıasynda erler men áıelder arasynda bokstan Álem kýbogy ótýde. Týrnırge 31 elden 300-den astam sportshy qatysýda, onyń ishinde barlyq 20 salmaq dárejesinde qazaqstandyq qurama bar. Fınaldyq jekpe-jekter 6 shilde kúni saǵat 14:00-de jáne 19:00-de ótedi. Kirý tegin.

2 shildede Paralımpıada ortalyǵynda zeınetkerler men múmkindigi shekteýli adamdar arasynda toǵyzqumalaq pen shahmattan týrnırler ótedi.

3 shildede Esil ózeniniń jaǵasyndaǵy Amfıteatr sahnasynda «JazzVIBE» konserti uıymdastyrylady. Baǵdarlamada «Astana» estradalyq-sımfonıalyq orkestri, «Jastar» saraıynyń «Jiger» estradalyq-djaz ansambli jáne qazaqstandyq estrada juldyzdary óner kórsetedi.

3 shilde Paralımpıada ortalyǵynda múmkindigi shekteýli sportshylar arasynda alǵashqy qalalyq spartakıada ótedi. Sol kúni B. Sattarhanov atyndaǵy sport kesheninde «Saraıshyq» aýdany uıymdary arasynda voleıboldan týrnır ótedi.

3-5 shilde aralyǵynda Beeline Arena-da qazaq kúresinen Qazaqstan chempıonaty ótedi.

4 shildede Ál-Farabı atyndaǵy Oqýshylar saraıynda «Aıalaǵan Astana» atty merekelik konsert ótedi. Sol kúni M.Ótemisov atyndaǵy Oqýshylar saraıynda street-art formatyndaǵy «Astanaǵa arnaý» kóshe festıvali ótedi.

4 shildede «Jastar» saraıynda Jumysshy mamandyqtar jyly aıasynda ótken «Meniń mamandyǵym – maqtanyshym» atty qalalyq shyǵarmashylyq baıqaýdyń jeńimpazdaryn marapattaý rásimi ótedi.

Osy kúni Beıbitshilik jáne kelisim saraıynda elimizdiń úzdik ánshileri, kúıshi-jyrshylardyń qatysýymen «Asyl mura» atty merekelik konsert ótedi. Shara barysynda halyq kompozıtorlarynyń shyǵarmalary oryndalady. Konsertke elimizdiń tanymal óner sheberleri men shyǵarmashylyq ujymdary qatysady.

«Ǵashyqtar» saıabaǵynda «Astana saqasy» týrnırinde asyq atýdan eń myqtylary anyqtalady. «Nurjol» býlvarynda «Asqaqtaǵan Astana!» merekelik is-sharasy – Dombyra party uıymdastyrylady, al «Jetisý» saıabaǵynda «QALA FEST» festıvali men kitap jármeńkesi ótedi.

4 shilde – Zeınetkerler arasynda shahmat týrnıri men «Ǵashyqtar» aleıasynda asyq atý jarysy. Sondaı-aq, Baıqońyr aýdanynyń komýnaldyq qyzmetkerleri arasynda mını-fýtbol týrnıri ótedi.

4 shildede Abaı dańǵyly boıynda ornalasqan «Komýnaldyq qyzmetkerler» skveriniń ashylý saltanaty ótedi.

5 shildede Trıatlon parkinde grek-rım, erkin kúres, dzúdo, qazaq kúresi jáne avtosherý qamtylǵan kúres festıvali ótedi.

5 shildede Esil ózeniniń jaǵasyndaǵy Amfıteatr sahnasynda «Astana – arman qala» atty merekelik konsert ótedi.

Baǵdarlamada tanymal mádenıet qaıratkerleri, halyqaralyq jáne respýblıkalyq baıqaýlardyń laýreattary, qazaqstandyq estrada juldyzdary óner kórsetedi.

5 shildede VI «Áskerı kerneı» áskerı-mýzykalyq festıvali ótedi. Festıvál aıasynda 5 shildede úrmeli orkestrlerdiń qoıylymdary «Ǵashyqtar», «Jetisý», «Jeruıyq» saıabaqtarynda ótedi. Festıvál 6 shilde kúni «Qazaq eli» monýmentindegi gala-konsertpen aıaqtalady.

5-6 shilde kúnderi Ortalyq saıabaqta «Merekelik saıabaq» atty otbasylyq demalys festıvali ótedi. Festıvál aıasynda kórermenderge ashyq aspan astyndaǵy fılm kórsetilimderi, teatrlandyrylǵan qoıylymdar, beıneleý óneri men qolóner boıynsha sheberlik sabaqtary, sporttyq jáne oıyn-saýyq baǵdarlamalar, kórmeler men konsertter usynylady.

Sondaı-aq 5-6 shilde kúnderi Astanada «Qalalyq performanstar festıvali» ótedi. Elordalyqtar men qonaqtarǵa ashyq aspan astynda saıabaqtar men alańdarda teatrlandyrylǵan qoıylymdar usynylady. Festıvál qala kóshelerindegi ártister sherýimen ashylady. Eki kúndik baǵdarlamaǵa Astana, Almaty, Máskeý qalalarynan shyǵarmashylyq ujymdar qatysady.

5-6 shilde kúnderi ótetin Jumysshy mamandyqtar jyly aıasynda Memlekettik drama jáne komedıa teatry alǵash ret «Armandar oryndalady» spektaklin usynady. Qoıylym ereksheligi – kásibı ártistermen qatar túrli jumysshy mamandyq ıeleri de sahnaǵa shyǵady. Muǵalimder, jýrnalıser, dárigerler, aspazdar, meıirbıkeler, júrgizýshiler, qurylysshylar jáne basqa da mamandar sahna shyǵady. Emosıonaldy jáne shynaıy sahnalyq beıneler arqyly kórermendermen óz ómirlik tarıhtaryn, armandaryn jáne kásibı joldarymen bólisedi.

Sondaı-aq «Jastar», «Naz», «Qanattylar» teatrlarynda jáne Mýzykalyq jas kórermen jáne Maksım Gorkıı atyndaǵy akademıalyq orys teatrynda josparlanǵan spektáklder qoıylady.

6 shildede Ulttyq dombyra kúnine oraı merekelik is-sharalar «Atyraý» kópirinde jáne Ortalyq saıabaqta ótedi. Merekelik konserttik baǵdarlama Amfıteatr sahnasynda jalǵasady.

Sonymen qatar qalanyń turǵyn alaptarynda kúndizgi merekelik konsertter ótedi. Oǵan Mádenıet basqarmasyna qarasty mekemelerdiń shyǵarmashylyq ujymdary men qazaqstandyq estrada juldyzdary qatysady.

Osy kúni Dombyra kúnine oraı «Qazaq eli» monýmenti alańynda «Jastar Energy» jastar konserti ótedi. Baǵdarlamada jas oryndaýshylardyń óner kórsetýi jáne kórermenmen ınteraktıvti mádenı qarym-qatynasy ótedi. Maqsaty – jastar shyǵarmashylyǵyn qoldaý, mádenı belsendilikti arttyrý jáne zamanaýı ónerdi nasıhattaý.

6 shildede «Astana-Arena» stadıony aýmaǵynda otandyq estrada juldyzdarynyń qatysýymen OPEN AIR konserti ótedi.

6 shildede «Aqjaıyq» skverinde zamanaýı bı túrlerinen jastar arasynda «Elordalyq batl» bı saıysy ótedi.

6 shildede «Qazanat» ıpodromynda báıge túrlerinen «Elorda kýbogy» týrnıri jáne qazaqtyń ulttyq sport túrleriniń úzdikteri men myqtylary qatysatyn «Tolaǵaı» saıysy ótedi.

Sondaı-aq mereke kúnderi qala boıynsha jańa abattandyrylǵan qoǵamdyq keńistikter men aýlalar ashylady.

7 shildede Amfıteatr sahnasynda «Jastar» saraıynyń estradalyq-sımfonıalyq orkestriniń súıemeldeýimen «Altyn dombyra» mektebiniń 400 oqýshysynyń qatysýymen Ulttyq dombyra kúnine arnalǵan merekelik-konserttik baǵdarlama ótedi.

8 shildede Amfıteatr sahnasynda «Mereıli otbasy» ulttyq baıqaýynyń jeńimpazdaryn marapattaý saltanaty ótedi. Baıqaýdyń maqsaty – dástúrdi saqtaý, bala tárbıesi men qoǵamnyń damýyna úles qosatyn ónegeli otbasylardy anyqtaý jáne taný, otbasylyq qundylyqtardy nasıhattaý, otbasy ınstıtýtyn nyǵaıtý.