Mereke kúni elordada Alash tas jolynda kúrdeli jóndeýden ótip, jańa kópir halyqtyń paidalanýyna berildi. Sonymen qatar úi kezeginde turǵan azamattar men jumys isteitin jastarǵa, úleskerlerge páter kiltteri tabystaldy. Osylaisha elordalaqtar merekeni úlken qaýanyshpen qarsy aldy.
Budan basqa, birqatar áleýmettik nysandar men 100-ge jýyq aýla jáne qoǵamdyq keńistikterdiń (saiabaqtar, skverler, býlvarlar) qurylysy aiaqtalǵanyn aita ketýimiz kerek.
– Kópir apatty dep tanylǵan edi. Kópirdiń bir bóligine kúrdeli jóndeý júrgizildi, atap aitqanda jol ótpesiniń apattyq bóligin bólshekteldi. Joba boiynsha 140 metr kópir salynyp, kópirdiń eki jaǵynan 700 metrden asfalt tóseldi. Sondai-aq, metall estakadanyń júrý bóligi jóndeldi, – deidi geodeziia salasynyń mamany Alinur Ábilmajan.
